台北夏日新蒲點!COMMUNE A7 貨櫃市集化身城市沙灘 嘆盡 20 多款美食

台北夏日新蒲點!COMMUNE A7 貨櫃市集化身城市沙灘 嘆盡 20 多款美食

夏天嘅指定動作,梗係去沙灘玩啦!而台北鬧市中竟然都有沙灘?!即刻帶大家去睇睇啦!

COMMUNE A7_3圖片來源:bisweety@Instagram

位於台北信義區嘅人氣貨櫃市集「 COMMUNE A7 」,喺熱鬧嘅市集中推起沙灘,為都市叢林添上一份寫意夏日氣氛!客人可以盡情於沙灘堆沙、坐充氣水泡,又可以悠閒咁攤喺沙灘上,享受市集內 20 多種異國美食及美酒,輕鬆自在渡過週末。另外,場內仲有動態投影機,虛擬特效讓您仿如進入海灘之中!

COMMUNE A7_4圖片來源:官方網頁

COMMUNE A7_5圖片來源:官方網頁

自上年開幕嘅「 COMMUNE A7 」,以多個複合式貨櫃結合多達約 25 間商舖組成市集,集消閒、飲食、玩樂、藝術於一身,係鬧市中難得一見嘅社區空間。市集亦不時舉辦各式創意又好玩嘅活動,吸引唔少人參加,逐漸成為城市人同年輕遊客嘅新興蒲點。

COMMUNE A7_7圖片來源:官方網頁

市集掃街美食非常多選擇,囊括咗西班牙 Tapas、港式小吃、日式串燒、海鮮、美式漢堡、咖啡輕食等,夜晚可以同三五知己傾吓計、嘆杯酒,同一時間欣賞台北 101 同市中心內嘅迷人景致。

COMMUNE A7_2圖片來源:官方網頁

COMMUNE A7_8圖片來源:官方網頁

15圖片來源:kitty82810@Instagram

「 I LOVE BOW 」以製作香港傳統點心為主,而佢地嘅雞蛋仔日賣 700 底,深受食客歡迎!

COMMUNE A7_10 圖片來源:qiuqiu_777@Instagram

知名連鎖意大利餐廳「 Alleycat’s Pizza 」主打傳統手製窯烤 Pizza,其紅色貨櫃餐廳外觀更加係一大影相位!

COMMUNE A7_11圖片來源:AlleycatsPizza@Facebook

場內除咗餐廳,仲可以參觀型格單車舖「 Seic 單車工廠」,佢地嘅單車體積細小,而且車身輕巧,適合返工、返學或者平時代步之用,是非常方便嘅「城市車」。

COMMUNE A7_12圖片來源:seica7@Facebook

COMMUNE A7_13圖片來源:seica7@Facebook

如果您都鍾意行街買嘢食嘢,嚟到台北就一定要去 COMMUNE A7 貨櫃市集喇!

COMMUNE A7_14圖片來源:官方網頁

 

COMMUNE A7

地址:台北市信義區松壽路 3 號

營業時間:星期一至四 11:30 am – 11 pm、星期五 11:30 am – 1 am、星期六 11:30 am – 1 am、星期日 11 am – 11 pm

交通:捷運「台北 101 / 世貿站」4 號出口步行5 分鐘,或捷運市政府站 2 號出口步行 8 分鐘

官方網頁:http://www.communea7.com/

 

台中隱秘餐廳?!水管屋內 High Tea 寫意到不得了!

cover photo new2

設計有趣嘅餐廳,往往都令人眼前一亮!呢間位於台灣彰化縣花壇鄉嘅咖啡廳,以獨特嘅空心水泥管改造為餐廳包廂,客人坐喺水管屋入面 High Tea,呢鋪真係既有趣又寫意!

Pipe rest 1圖片來源:ooscarlett@Instagram

餐廳地點位於小鄉村內,雖然位置隱秘,但正因為咁多咗份悠閒嘅感覺!主餐廳黑色牆身,襯托住水泥灰色嘅水管屋,盡顯工業風,無論遠睇抑或近睇,日間定夜晚,設計都不失型格,吸引唔少食客嚟影相!

Pipe rest 4圖片來源:sheiiyhappyu8u8@Instagram

Pipe rest 5圖片來源:shelly_0518@Instagram

Pipe rest 6圖片來源:官方 Facebook

餐廳入口都唔容易搵,原來就係穿過其中一個水管嘅木門之內,非常隱秘!

Pipe rest 7圖片來源:happyjen88@Instagram

水管屋內設計簡約,放住一張大長枱同長椅,外部加設圓形玻璃,陽光引入室內,坐喺裡面絕對冇焗促感覺,而且水管屋內可以自成一角,私隱度大增,無論同朋友食飯,定係同情人撐枱腳,都係非常合適嘅地方!

Pipe rest 8圖片來源:samson7479@Instagram

Pipe rest 9圖片來源:pandaren

@Instagram

除咗主餐廳外,對出嘅草地上都有水管屋分散喺唔同角落,水管屋仲油上唔同顏色,各位靚女又多一個影相位置啦!

Pipe rest 10圖片來源:yapiing_@Instagram

呢度嘅食物亦都相當配合餐廳嘅郊外環境,菜式都好清新,例如青醬海鮮大蝦意粉、青醬野菇 Pizza、忌廉松露野菇燉飯等,同三五知己或者身邊嘅愛人,一齊嘆返個田園下午茶就最適合不過!

Pipe rest 12圖片來源:官方 Facebook

 

「別有洞天」水管屋餐廳

地址:彰化縣花壇鄉花橋街 25 -16 號

電話:+886 04-7874518

營業時間:11 am – 9:30 pm(星期二至日)(逢星期一休息)

Facebook:https://www.facebook.com/bravo8522/

與天空融為一體!日本三重縣淺藍色絕景 — 喜林草花海

cover photo new1

粉紅色嘅櫻花季完咗,想睇就只好等下年。好心急等唔切點算?建議大家去位於三重縣伊賀市嘅 MENARD 青山度假村,除咗可以住喺嗰度 Relax 吓之外,喺度假村入面,仲有一個 1250㎡ 咁大嘅高原,裡面種植咗成 25,000 株淺藍色喜林草,行入去簡直係完全置身於花花世界當中!

12356346圖片來源:KRW HAN 近鐵電車@Facebook

踏入初夏,正植係喜林草盛開季,每一棵都生長得非常茂盛,大家可以睇到同藍天融為一體嘅淺藍色絕景,齊齊沉醉喺淺藍色嘅浪漫當中!而且淺藍色嘅花海咁特別,真係唔影返幾百張相都唔願走呀!

9879364圖片來源:to_ma_kk@Instagram

956436圖片來源:komugishi8@Instagram

63743645圖片來源:yukari_taniguchi@Instagram

如果最近冇時間去都唔緊要,因為正式踏入夏天後,大約 6 月至 7 月中,就會嚟到薰衣草嘅旺季,紫色花海一樣等緊你哋!

93674654圖片來源:sbasyuk@Instagram

76354356圖片來源:rabbiche_@Instagram

367436圖片來源:acchan0831@Instagram

 

MENARD 青山度假村

開園時間:9 am – 5 pm(4 pm 停止售票)

前往方法:從大阪難波搭乘近鐵特急約 1 小時,在伊賀神戸站下車。從伊賀神戸站,搭乘用餐住宿顧客專用的預約制免費接送班車約 35 分鐘可抵達。

戀人聖地!幸福慢遊日本小豆島 漫步海上「天使步道」、《魔女宅急便》希臘風車

cover photo new

位於日本四國香川縣嘅小豆島,有住純樸嘅迷人風光,透過潮汐形成嘅海上「天使步道」同《魔女宅急便》電影拍攝地嘅「希臘風車」都係島上嘅唯美景點,成為情侶嘅拍拖聖地!

Shodoshima 3
圖片來源:jm0101015@Instagram

987463圖片來源:橄欖公園官方網頁

「天使步道」係一條隨住潮汐漲退而出現嘅小沙路,連接對岸名叫中余島嘅小島,遊人可趁著每日 2 次嘅退潮時間,漫步去對岸嘅小島;相反,潮漲時,海水就會掩蓋小沙路!情侶不妨可以喺水清沙幼嘅步道漫步,望住瀨戶內海蔚藍嘅藍天白雲同大海,非常愜意!黃昏時份,仲可以睇埋日落,夠晒浪漫!走過步道,可以到對岸小島嘅樹上掛上貝殼裝飾或許願牌,祈求甜蜜幸福添!

Shodoshima 5圖片來源:fairyland0515@Instagram

每日 2 次嘅退潮通常出現喺早上同下晝,想步行「天使步道」嘅朋友,可以參考官方嘅潮汐表(www.town.tonosho.kagawa.jp

12.313圖片來源:hyvaapaivaayva@Instagram

行完「天使步道」,建議去埋充滿地中海風情嘅橄欖公園。日本最先引入橄欖嘅地方就係小豆島,而橄欖公園種滿 2,000 棵橄欖樹,可以畀遊客了解橄欖種植歷史同品嚐橄欖油!

Shodoshima 7圖片來源:橄欖公園官方網頁

公園裡面綠油油嘅橄欖樹雖然睇落冇乜特別,但有少數橄欖葉係心形形狀㗎!如果好彩搵到心形橄欖葉,傳說會得到幸運之神眷顧添!

43564圖片來源:橄欖公園官方網頁

橄欖公園除咗因為橄欖出名之外,其實呢度仲係《魔女宅急便》嘅電影拍攝地,隨處可見充滿鄉村風格嘅場景。座落喺大草坪上嘅希臘風車當然成為咗好多《魔女》粉絲嘅「打卡」景點啦!有見及此,公園仲貼心準備掃帚供借用,畀遊客一嘗做魔女嘅滋味!

63543圖片來源:橄欖公園官方網頁

Shodoshima 11圖片來源:橄欖公園官方網頁

公園裡面仲有一個淺綠色嘅特色郵筒,簡直同橄欖公園綠色嘅主調襯到絕呀!公園雖然唔算大,但園內嘅景點都好靚,最啱鍾意影相嘅你哋!

Shodoshima 12圖片來源:橄欖公園官方網頁

 

橄欖公園官方網頁

營業時間:8:30am – 5pm

http://www.olive-pk.jp/index.html

避暑一流!連等巴士都係一種享受 日本夏日透心涼水果巴士站!

cover photo new

夏日熱辣辣,食吓又新鮮又涼浸浸嘅水果已經透心涼,如果畀你哋喺水果巴士站等車,會唔會覺得冇咁熱呢?日本就有一系列以水果為主題嘅巴士站,以 5 種夏季當造水果為外觀設計,包括士多啤梨、蕃茄、西瓜、哈密瓜同橙,分佈喺 16 個車站,車站大多數臨近海邊,企喺可愛嘅車站一邊等車,一邊享受緩緩吹埋嚟嘅海風,令沉悶嘅等車時間更添樂趣!

Fruit bus stop 1

Fruit bus stop 2圖片來源:_sorakumo@Instagram

水果巴士站位於九州長崎縣嘅諫早市,好多人去長崎旅遊都順道嚟朝聖㗎!企喺巨型水果巴士站之中,好似入咗大人國咁,人都變得細咗,仲即刻覺得涼爽咗添呀!

132132.圖片來源:hashimotomai430@Instagram

多款水果巴士站之中,以哈蜜瓜站同士多啤梨站最受歡迎!粉綠色嘅網紋蜜瓜外型好吸睛,網紋線條分明俐落,入到裡面可以從窗外望,欣賞一望無際嘅海景,好爽呀!!

Fruit bus stop 4圖片來源:www.welcomekyushu.tw/

Fruit bus stop 5圖片來源:_sorakumo@Instagram

少女們最愛嘅士多啤梨顏色鮮艷,紅卜卜嘅顏色份外討人喜歡,一見到就影相影唔停喇~

Fruit bus stop 6圖片來源:http://www.city.isahaya.nagasaki.jp/

Fruit bus stop 7圖片來源:Marksan Photography

圓碌碌嘅西瓜除咗有簡單嘅西瓜紋理,留心睇仲有幼細嘅西瓜藤喺頂部,設計相當有心思呀吓!

Fruit bus stop 8圖片來源:kimiyo_na@Instagram

呢粒橙嘅門口最大,葉幹亦誇張地由頂部延伸至地下,整枝葉幹好似一條扶手,有創意又實用!

3456
圖片來源:kaaaaaaho@Instagram

蕃茄火紅嘅顏色同士多啤梨不相伯仲,光滑嘅外皮加上精心設計嘅蕃茄葉,像真度有 99% 呀!

Fruit bus stop 11圖片來源:achacosan.v@Instagram

唔同款式嘅水果站散落喺一共 16 個車站,唔想錯過任何一款水果,就要睇清楚巴士路線圖啦!

132圖片來源:http://www.city.isahaya.nagasaki.jp/

點止賣衫咁簡單!日本人氣服飾品牌 Honey Mi Honey 開設 少女風格粉紅系 Cafe

cover photo new

粉紅色對女仔嚟講,總有一種難以抗拒嘅吸引力,一見到就心花怒放,瞬間少女心大開!日本就有一間以粉紅色為主調嘅 Cafe,裡面所有嘅裝潢全部都係粉紅色,完全俘虜一眾女士嘅心!

Cafe Honey Mi Honey 3圖片來源:Honey_Mi_Honey_Offical@Instagram

Cafe Honey Mi Honey 1 圖片來源:hina32x@Instagram

Cafe Honey Mi Honey 2圖片來源:Honey_Mi_Honey_Offical@Instagram

座落喺日本原宿嘅 Honey Mi Honey 係近年大受歡迎嘅原宿系少女服飾品牌,品牌除咗主打粉色少女衫,最近亦增設咗 Cafe 喺同一層,Cafe 貫徹少女風格,以粉紅為主色,客人買完衫,入嚟呢度傾計、食嘢或者 Selfie 吓就最適合不過啦!

Cafe Honey Mi Honey 4圖片來源:__ariari@Instagram

從店外就已經可以感受到「 Cafe Honey Mi Honey 」嘅粉紅氛圍,粉紅餐牌列咗 30 多款食品,包括咖啡、奶昔、Waffle 同小食,旁邊仲有一個好 Cute 嘅粉紅巴士站牌,成為少女們熱門 Snapshot 地方。

Cafe Honey Mi Honey 5圖片來源:pinky__girl@Instagram

Cafe Honey Mi Honey 位於 2 樓,踏過紅磚樓梯後,進入超夢幻咖啡店~店內嘅裝潢,無論枱凳、屏風、餐具以至餐牌都係可愛嘅粉紅色,現場更設置以霓虹燈字句佈置,有種令少女們進入粉紅色國度嘅感覺!

Cafe Honey Mi Honey 6圖片來源:iampatporn@Instagram

Cafe Honey Mi Honey 7圖片來源:Honey_Mi_Honey_Offical@Instagram

Cafe Honey Mi Honey 8圖片來源:xxaaxx_15@Instagram

呢度嘅食物同樣都充滿少女粉紅嘅氣息,可以喺咁靚嘅地方,嘆返杯招牌士多啤梨奶昔,再食返個製作成份天然嘅士多啤梨奶油素鬆餅,女士們點會唔心動喎?!

Cafe Honey Mi Honey 9圖片來源:Honey_Mi_Honey_Offical@Instagram

Cafe Honey Mi Honey 10圖片來源:Honey_Mi_Honey_Offical@Instagram

 

Cafe Honey Mi Honey

地址:東京都渉谷區神宮前 6-2-6 原宿茜大廈 2F

交通:地下鉄副都心線至「明治神宮前」站 7 號出口,步行 1 分鐘 /「表参道」站 A1 號出口,步行 5 分鐘

營業時間:12 nn – 8 pm

連 GD 都去過?!古舊工廠搖身一邊 聖水洞超人氣咖啡廳兼文化空間!

cover photo new

首爾多咖啡店係人都知啦吓嘛,好似花花 Cafe、唔同嘅主題 Cafe 等,可能好多首爾迷已經去厭咗。但係聖水洞嘅 Cafe 大家又去過未呢?聖水洞本身係屬於工廠區,但製造業沒落後,好多人就將呢啲工廠改裝成為咖啡廳、餐廳同酒吧,成功將古舊嘅建築物變身成為極具創意嘅韓國景點!

00100圖片來源:Visitseoul

00200圖片來源:Visitseoul

00300圖片來源:zagmachi@Instagram

今次介紹嘅係一間由印刷工廠改造成嘅咖啡廳兼文化空間 — Zagmachi,連一向鍾意工業風嘅 GD 都去過!點解?咪就係因為 Big Bang《 Fxxk it 》個 MV 喺附近拍攝囉,VIP 們知道咗之後係咪好想衝過去呢?!

00400圖片來源:zagmachi@Instagram

00500圖片來源:zagmachi@Instagram

00600圖片來源:zagmachi@Instagram

00700圖片來源:zagmachi@Instagram

00800圖片來源:zagmachi@Instagram

Zagmachi 可以話係將舊式建築同現代建築結合而成嘅咖啡廳,亦都係一間同時為咖啡館同展覽館嘅店舖,而裝修保留咗印刷廠時期嘅簡樸工業風,老闆仲保留咗由印刷廠時期已經有嘅收納櫃,又會親自製作同油漆店內嘅枱枱櫈櫈,而且仲放咗好多藝術品喺店內,絕對啱哂一眾文青!

00900圖片來源:zagmachi@Instagram

01000圖片來源:zagmachi@Instagram

01100圖片來源:zagmachi@Instagram

 

Zagmachi

地址 : 首爾特別市城東區聖水洞 2 街 317-12 號

問洽 : +8670-4409-7700

營業時間 : 11 am – 11 pm

韓國天空之鏡?!玩厭大城市去韓國全羅南道「 SLOW CITY 」曾島玩吓啦!

cover photo new

講起去韓國,好多人都係去首爾、釜山或者濟州島呢幾個耳熟能詳嘅大城市,其實韓國仲有好多好好玩嘅地方等大家去發掘。嗱~就好似位於全羅南道新安郡以生態觀光勝地聞名嘅曾島咁,唔少韓國人喺週末都會遠離煩囂專程去玩返一日添!

123圖片來源:afewgman@Instagram

234圖片來源:sein_ryu@Instagram

曾島為新安郡第 7 大島,於 2008 年被指定為「 Slow City 」,最具魅力嘅地方當然就係超級乾淨嘅陸地、清澈嘅海洋,同埋兩者之間嘅美麗泥灘。曾島更有韓國唯一而且規模最大嘅太平鹽田。另外喺太平鹽田後嘅展望臺,仲可以望到泥灘同埋島嶼村莊嘅景色添,呢種感覺係咪非常簡樸呢,啱晒去厭大城市嘅你哋呀!

345圖片來源:amabile_83@Instagram

456圖片來源:hwangsanggwi@Instagram

去親曾島必訪嘅就梗係太平鹽田啦,喺呢度可以見識海鹽嘅生產過程,仲有得親手製作體驗吓添!如果想試吓,三日前上官網預約定就得㗎喇!不過每年 4 月至 10 月先會生產海鹽,所以大家記得揀啱日子去啦!除咗落手落腳整海鹽,又點少得影靚相呢?一塊塊嘅鹽田經採收後,就會變到好似鏡面咁清澈,簡直可以話係韓國嘅天空之鏡呀!

567圖片來源:gamsung_macho@Instagram

曾島內除咗鹽田,仲有海鹽博物館、曾島泥灘生態展示館、長頭魚橋等等嘅景點。而且大家一定要試埋呢度最出名嘅鹽味雪糕先好走呀!另外每逢 8 月會有小島泥灘節,喺泥灘展開馬拉松大會、蹴球、海泳等競賽,同埋美容泥漿體驗、太平鹽田體驗、挖貝殼體驗、海釣等各種活動,呢啲咁特別嘅活動香港一定搵唔到!

678圖片來源:vocalist_chaeyun@Instagram

789圖片來源:jjjang_sj@Instagram

【日本福岡好去處】一年四季都有唔同花海任你睇?!花迷必去能古島!

【日本福岡好去處】一年四季都有唔同花海任你睇?!花迷必去能古島!

平時去旅行如果想睇花睇草,都要就啱時間飛,好似「櫻花季」、「紅葉季」咁,咩都要加句「季節限定」,有時去到仲要得個吉,想影張靚相都唔係咁容易。不過家陣唔駛煩惱喇!皆因今次同大家介紹嘅九州「能古島海島公園」一年四季都有唔同嘅花海,就算幾時去都有唔同種類嘅花花草草睇,咁就唔駛怕去到失望而回啦是咪先!

45343

3654364

能古島係一個位於九州博多市北部嘅獨立小島,由福岡市姪浜搭乘市營渡輪 10 分鐘即可抵達,而「能古島海島公園」係座落於能古島北部,佔地約 15 萬平方公尺嘅自然公園,最重要係一年四季都有唔同嘅花種畀大家影相。而大家最鍾意嘅油菜花同櫻花就分別會係 2 月下旬至 4 月中旬同埋 3 月末至 4 月初旬出現嘅!

694364

1232435

435643

8736763

夏季之花就有繡球花( 6 月)、野雞冠( 7 月上旬至 8 月下旬)同向日葵( 7 月下旬至 8 月下旬)等。

98763

秋季之花有大波斯菊( 10 月上旬至 11 月上旬)、大理花( 9 月中旬至 10 月下旬)同楓葉( 11 月上旬至中旬)等。

5463653

而冬季就有日本水仙( 1 月至 2 月上旬)、茶梅( 12 月至 2 月上旬)同山茶花( 1 月上旬至 2 月下旬)等。

324135

另外有啲花就會橫誇季節或者出現好短時間,就好似彩虹菊( 3 月下旬至 5 月上旬)、虞美人( 3 月下旬至 5 月上旬)、杜鵑花( 4 月)同萬壽菊( 4 月下旬至 7 月上旬),大家記得捉緊時間去啦!

36435356

2435643

島內除咗有得賞花,仲有好多設施畀大家親身體驗,例如陶藝(轆轤體驗)、粗陶(彩繪體驗)、迷你動物園、繩索溜冰等等,另外仲會提供和服租賃同包紮服務,大家可以著住和服同花田影相,咁靚嘅風景加上和服影返輯沙龍,Po 相都 Po 到手軟啦,不過首先,你要有一個識影相嘅…

3251435

8543

 

能古島海島公園

地址:福岡市西區能古 

交通:由姪浜港搭乘「市營能古・姪浜渡輪」,抵達能古島後,從碼頭搭乘前往「島上公園」的西鐵巴士,約 10 分鐘可抵達。 

營業時間:9 am – 5:30 pm(星期一至六)& 9 am – 6:30 pm(星期日及假日) 

圖片來源:官方 Facebook 及官網

【季節限定】一大片粉紅花海!帶大家飛去日韓睇「腳下櫻花」

cover photo-2

話咁快嚟到 4 月尾,係櫻花花期嘅尾聲,今年未曾賞櫻嘅朋友,亦可欣賞另一種同櫻花花形相似嘅「芝櫻」!

Shibazakura 1圖片來源:kyungjin2222@Instagram

Shibazakura 2圖片來源:富士芝櫻祭官方網頁

據日本國家旅遊局資料,芝櫻同櫻花科有所不同,因花形與櫻花相似而得名。芝櫻本身並非樹木,而係生長於地面上莖葉類植物,成為腳下盛開嘅櫻花。

Shibazakura 3圖片來源:sssssssssseulg@Instagram

到日本欣賞芝櫻,當然要到人氣爆登嘅「富士芝櫻祭」,每年芝櫻綻放嘅日子,都吸引咗唔少遊客慕名而來,成為日本著名賞「櫻」之地。800,000 棵芝櫻同時間盛放,形成一大片粉紅花海,再配上日本第一高嘅富士山美景,場面好壯觀!地上遍佈嘅花不單止有粉紅色,仲有紅、淡紫或白色等等,色彩鮮艷!

Shibazakura 5圖片來源:富士芝櫻祭官方網頁

Shibazakura 6圖片來源:富士芝櫻祭官方網頁

除咗賞櫻,場內仲舉辦「富士山美食嘉年華」,一嚐當地美食。「吉田烏龍麵」係富士山周邊嘅鄉土美食,馬肉配上好彈牙麵條嘅烏龍麵,嚼勁十足!仲有「富士宮炒麵」同「富士櫻豬肉」等嘅傳統美食都值得一試!

Shibazakura 7圖片來源:富士芝櫻祭官方網頁

同樣,韓國嘅芝櫻都唔輸蝕!位於慶尙南道山淸嘅山淸生草國際雕刻公園,離首爾同釜山只需 3 個鐘車程。整個公園山丘遍佈芝櫻,遠睇好似一幅大型粉紅色地毯,超級夢幻呀!

Shibazakura 8圖片來源:韓國觀光公社  Facebook

Shibazakura 9圖片來源:韓國觀光公社 Facebook

123圖片來源:bangssaem_1@Instagram

 

日本 – 富士芝櫻祭

舉辦日期:即日至 5 月 28 日

營業時間:早上 8 時至下午 5 時

地址 : 山梨縣南都留郡富士河口湖町本栖 212(富士本栖湖渡假村)

資料來源:富士芝櫻祭官方網頁

http://www.shibazakura.jp/

 

韓國 – 山淸生草國際雕刻公園

慶典期間 : 即日至 4 月 30 日

地址 : 慶尙南道山淸郡生草面山水路 1064

資料來源:韓國觀光公社 Facebook

https://www.facebook.com/big5chinese.visitkorea/