上樓爆房?!觀塘工廈雜物任你爆 減壓必去新地帶

cover photo new

喺香港呢個節奏非常急促嘅地方,行街求其問吓一個人有冇壓力,搵到個答你冇嘅都真係要買六合彩。正因為香港人咁鬼大壓力,觀塘就有一個專係畀人發洩、減壓嘅新地方!呢個名為「爆洩房」嘅地方喺觀塘工廈裡面,只要畀 300 蚊,你哋就可以盡情發洩,打爆晒房入面嘅物品,例如電視、碗碟、酒樽、結他等等,如果你嘅威力夠強大,武器喺發洩過程中爛咗都冇緊要,即刻換過枝繼續任你爆!

WhatsApp Image 2017-07-09 at 12.54.11 (1)

成個單位一共有四間主題房,每間都各自有佢哋嘅特色,牆身亦有唔同字樣去表達都市人嘅內心感受,夠晒「貼心」呀真係!而每間主題房嘅雜物都係由老闆親自收集返嚟,就算客人打爆晒,老闆都會將破壞後嘅雜物送去回收公司,絕唔會製造大量垃圾!

WhatsApp Image 2017-07-09 at 12.54.08

WhatsApp Image 2017-07-09 at 12.54.09

WhatsApp Image 2017-07-09 at 12.54.05

WhatsApp Image 2017-07-09 at 12.54.06

嚟到「爆房」之前,記得做足安全措施呀!首先要戴好面罩、手套、護膝。呢度面罩有幾款選擇,分別有電單車頭盔、防毒面罩(仿)同 V 煞面具等等;而保護衣物方面,就有橙色連身衣或者避彈衣任你揀!做好晒安全措施,大家就可以揀武器,無論係鋼棍抑或木棍一樣咁好打!

19884435_1954505744821551_3712228492953060616_n

WhatsApp Image 2017-07-20 at 20.17.03

嗱我哋仲有個小貼士畀大家,盡量唔好著平底或者個底好薄嘅鞋,Toms呀、拖鞋呀嗰啲擺埋一二邊好喇,因為喺發洩期間會造成大量碎片,著呢類嘅鞋會好易出事㗎嘛!你哋睇吓我嘅威力幾咁強大~

WhatsApp Image 2017-07-20 at 20.13.49

 

WhatsApp Image 2017-07-09 at 12.54.11

爆洩房 Ikari Area

地址:觀塘興業街 16 – 18 號美興工業大廈 A 座 12 樓 A10

價錢:300 HKD / 15 分鐘、500 HKD / 30 分鐘

預約電話:9085 5921

因為長大,所以我們學會了原來時間也有價錢

因為長大,所以我們學會了原來時間也有價錢 cover

開始工作之後,認識的人越來越多,要出席的飯局也越來越多,有好想去的,也有不想去的,有一堆人的,也有單對單的。

想做的事很多,可是時間太少。想寫書,想煲劇,想睇戲,想打波,想睇書,想讀書,想搞研究,想搞副業,想去旅行。

但年紀慢慢長大,雖然越睡越少也沒太影響精神,但身體卻越來越容易疲累。

 

雖然有很多事想做,但其實最想做的卻是甚麼也不做。

 

越晚收工,卻越不想睡。我有很多朋友不明白為甚麼會有這麼反智的想法,可是工作了一整天,只想晚上有更多的私人時間讓腦袋放空,麻醉自己的神經緊張,因為不想立刻睡覺然後起床後又要開工。

 

所以我寧願累,也想擠一些時間做一些想做的事。

 

工作多累也會想偶爾見見老朋友,即使可能只有一餐飯的時間,即使晚上吃完飯回家洗完澡就已經要馬上睡覺,還是寧願讓自己累一下。因為朋友很重要。即使他們一句不如港島食咯,那就港島食吧,即使我過完海之後要再過海再過 N 耐才回到新界。(係呀,港島嘅朋友,其實新界人一日都係得廿四個鐘㗎咋。)

 

當時間越來越少,想做的事越來越多,開始計算做這樣不做那樣的後果。從前讀書時間最多金錢最少,所以花多點時間也想賺多點錢省多點錢,走得到去的都不搭車,特別是在英國的時候,單程一磅六,來回就三磅二,三十二蚊喎大佬。以前做專業人士的時候,日日 OT,錢搵多多,連洗錢的時間也沒太多,所以要我排隊?咪玩啦,去隔離間餐廳,貴啲最多我請啦。

 

時間跟金錢不知為甚麼竟然變成了對立的代表,時間換取金錢,最後我用金錢再買回時間。

 

一個鐘對我跟對你來說都有不一樣的意義。

 

我是一個很變態的人,我很喜歡把不同的責任攬上身,工作之外我有很多身份,但更多的時間也彷彿做不完我想做的事。

 

以前不明白甚麼是 Priority,以前對我來說 Priority 就是做事的先後次序,當然這樣解釋也沒錯,但以前做完這一件事也一定有時間做下一件事,現在卻變成我選擇做這樣就要放棄另外三四樣。

所以我之前一個月放棄了這個 Page,因為想有更多時間寫自己的小說。

 

以前多不想去的聚會也會照逼自己出席,因為不懂拒絕?覺得始終一場相識?我不知道,我更加不知道為甚麼自己會有一秒猶豫的時間。連自己想做的事都沒有時間,我不明白我為何會逼自己去見一些沒有興趣見的人,只能夠怪當年少不更事。

 

當時間就是金錢,花時間做自己不願做的事,其實就是投資失誤,當然有很多人不太介意金錢賺或蝕,但若果你介意的話,就不要做對自己不利的投資。

 

有些人明知終將失去,不如早一點放手,把時間放在應該投資的人身上。朋友如是,戀人也如是。

給我一個_ _的理由

給我一個_ _的理由 cover

的確,條路自己揀,仆了街就算喊到天崩地裂都沒有人會可憐自己。

但正因為這樣,在這路上的每一個選擇都變得重要。

為了一份和自己無關的財務報表,每日通宵達旦,完成一道又一道的程序,詢證函寄了又寄,數據變動解了又解,飛機放了又放,直到夜闌人靜才登上的士,在公路奔馳。

又,能夠不問自己一句「其實咁辛苦為乜」嗎?

或者每個人心底都有一個答案,只是沒有勇氣宣之於口。

明明公司每年賺錢,但人卻越來越少,由四個到三個,由三個到兩個,由兩個到其中一個有時要做其他項目。

明明公司每年賺錢,但 OT 卻越批越少,連「星期六日 Client Office 都唔開」都可以拿來做不批 OT 的原因,你還有繼續做下去的理由嗎?

工作辛苦,其實不重要,因為大家都知道會辛苦,跳進火坑都不過是為了得到應得的回報。

知識。

金錢。

見識。

人脈。

經驗。

為了得到這些東西,人們才自願放棄寶貴的生命,沒日沒夜地工作。

值得嗎?

誰知道,或許這世上沒有太大客觀的利弊衡量,有的只是主觀的,覺得值得就留下覺得不值就離開去。

而這觸發這一切思考的,往往不過是一條導火線、一根蘆葦、一個理由,只差在你遇到沒有。

到底係對錯變得難分,定係能夠分對錯嘅人變少?

到底係對錯變得難分,定係能夠分對錯嘅人變少? cover

明明加班就應該補水,天公地道,但你夠膽爭取你就係唔啱,唔需要老細開聲,你同事、你個有排都未做到老細嘅「上級」都會幫手話你。

明明知道啲樓好貴又好細,但各路媒體仲係會日夜開地產商護航,洗你腦,等你自動自覺每個月將成份糧放係銀行俾啲銀行家錢滾錢,都咁上下你就用成副身家同銀行換三四十債,地產商就繼續起啲貴一貴嘅樓吸盡你一生嘅精力。

然後到你話唔買樓,你親戚會話你無出色,你朋友會笑你冇大志,甚至你自己都會懷疑而家唔買樓咁第日點算呢?四方八面嘅人都好似變晒地產商嘅員工,日夜幫佢地賣樓,但明明連一蚊佣都唔會有。

到間唔中,政府又走出黎講兩句地少人多呀,土地供應不足呀等你覺得樓貴都好合理,但另一方面團結香港基金話要每年放多萬五個新移民喎,咁你又話地少人多,又係咁叫人嚟住,其實政府係咪痴咗線呢?

不過冇人會問,或者咁講,問咗,咁又點?

就算我走落中環大大聲咁問,咁又點?

由兩年前訓街,到掟磗,到選舉走入建制,到俾人踢返出嚟,又有咩改變過?

只要一個建制入面嘅薯片叔叔走出嚟,啲人就連「就算有廿三條,起碼係薯片叔叔嘅廿三條」都講得出,你仲講得出就算失望不能絕望呢句話?

到今日,巴士無啦啦畀人票控冇埋站就上落客,所以巴士司機依法辦事,都可以見到有人鬧啲巴士司機。

到底呢班人諗緊咩,我真係唔識評論,我只係唔知道,到底係對錯越黎越難分,定係能夠分辨對錯嘅人越黎少。

Work-life balance:一個建於空中樓閣的烏托邦

Work-life balance:一個建於空中樓閣的烏托邦 cover

以前聽過一個笑話,說你花五十年工作,就可以換取五十年安穩的生活,這樣就能達致傳說中的 Work-life balance。

當然,這個笑話一點都不好笑,若然把五十年花在工作上,恐怕到第三十年左右就已經死了。

正常人追尋的,不過是不用加班得太過份,不用在放工之後 Check Email,不用隨傳隨到,不用在睡覺前被老細用短訊轟炸,不用在夢中仍然想著工作的事。

返工的時間返工,放工之後的人生就屬於自己,這就是多數人追求的平衡。

但,這種平衡有可能達到嗎?

最近我在想,追求 Work-life balance 是因為我們根本不喜歡自己的工作,所以在工作以外的時間我們拼命逃離,希望換取一刻屬於自己的寧靜。

但引用萬能的套套邏輯,老細的定義本身就是熱愛工作的人,他們的的生活和工作已經是神聖不可分割的一體,做到累了,他們去抽口煙/買杯咖啡/聽兩首歌/滑一下手機/拉坨大便/打個飛機/摸一下外遇對象的大腿/食個下午茶/剪個髮修個甲之類又可以繼續工作。

 

對老細而言,工作是生活,生活是工作。

對打工仔而言,工作是工作,生活是生活。

兩者有著深淵般的差異,但老細卻可以用他的權力拼命把你拉進深淵。

 

因為他出糧給你。

因為你不做大把人排著隊準備頂替你。

因為你覺得自己不可以失去這份工。

因為你其實暗地裡享受這種生活不過礙於朋輩壓力你要跟風說你也很討厭工作。

又或許因為,你選擇了一份錯的工作。

 

換個角度,老細們享受工作,例如指點別人工作之類,他們早已踏進了 Work-life integration 這個最高的境界,讓自己喜愛的事物滲進生命,過著心靈和銀包都充實的人生。

而現實是,除非你真心熱愛自己的工作,不然你只能一邊妄想自己可以從老細的施捨中得到生活和工作的平衡,一邊被無孔不入的工作壓力佔據你人生的每一個章節,直到退休那一刻。

【分手學 102】如果只係想結婚,不如快啲分手搵過個

【分手學 102】如果只係想結婚,不如快啲分手搵過個 cover

最近有朋友嘅一個女性朋友同佢訴苦,話自己就快三十歲,但拍咗七年拖嘅男友仲未想結婚,到底應該要點做,分手?定係繼續落去?

講乜之前都好,落返句 Disclaimer 先,大家都知我最鍾意戴頭盔。我唔覺得有啲咩問題嘅其實,女性自主,唔一定要結婚嘅,唔好覺得有男人娶咗就代表係人生勝利組,亦唔好覺得過咗三十未結婚就人生玩完,你嘅人生唔應該係男人嘅從屬,但我講得幾好聽都係假,因為我係男人,我可以講得好輕鬆,因為我唔會感受到嗰種同輩係咁結婚而自己好似好 Pathetic 嘅狀態咁(雖然我唔覺得有幾 Pathetic)。

But anyway,事實上又真係有人會好想結婚嘅,我其實冇得 Judge 你啲乜,每個人總有自己想要嘅嘢,但首先要搞清楚一樣嘢。

結婚對你黎講係乜嘢?

同一樣嘢對你,同對我,意義上可以好唔同。結婚對我係承諾,對某啲人可能只係同大學畢業證書一樣只係一張紙,咁你呢?

到底你係想結婚,定係想同呢個人結婚?

其實諗得呢個問題,就已經代表你已經唔再愛呢個人,因為對方未想結婚住而諗分手,就代表你已經愛「結婚」呢件事多過愛呢個人。

咁既然都唔愛,就無謂再一齊。

再簡單啲去諗,其實猶豫個位都只係因為付出咗七年嘅青春搞到好似投資失誤咁,但投資得,其實就要有止蝕嘅覺悟,吓吓諗住等到返家鄉先沽,其實賺唔返 舊錢仲要蝕時間,而且仲要唔知返唔返到家鄉。Anyway,我想講嘅係,個男嘅咁,我又唔覺得你磨多一兩年佢會突然想結,或者佢會,但又可能佢唔會,你搏唔搏?到過多兩年你覺得你仲有咁大 Bargaining power( According to your definition,如果三十係一個關口,三十二應該仲難啲啩)?

所以我覺得你真係有咁想結婚,不如快啲止蝕離場,對你自己好,又唔好累到人地嘛。

寫到呢度,實有人睇到眼火爆,覺得點解我講到反而個女仔先有問題,明明有問題嘅係個男仔,真係愛對方就應該結婚啦。Well,正如我之前有講,「結婚」呢兩隻字對唔同人有唔同意義,對個男仔嚟講或者唔係啲乜嘢,但或者佢好愛呢個女仔,純粹佢唔想結婚,我唔知,我判斷唔到。
我只係睇得到女方嘅觀點,就係對女方嚟講,「結婚」其實都唔係啲乜嘢,只係 To do list 上面嘅一個 Item 咁大把,我唔係覺得你呢樣嘢有問題,我只係覺得 Target-oriented 啲咁諗,你想要成功結到婚嘅話,真係分手易啲嘛。

同埋最重要係,唔愛人就唔好拖住人嘛。

其實兩個人一齊,最重要都係愛對方姐。唔愛的話,畀你簽夠一打證書又點姐。

P.S. 我朋友話個女嘅好似真係散咗。


如果喜歡我的文章可以來我的 Facebook page 支持一下啊

希雨

https://www.facebook.com/rainingheiyu

真正愛對方,唔好晚晚傾電話

真正愛對方,唔好晚晚傾電話 cover

又嚟妖言惑眾系列。
其實好多熱戀中嘅情侶都好鍾意講電話,臨瞓前講一兩個鐘先收線都係閒事,我明,我都試過,第二日明明要返學都照傾到點幾兩點,好似四點幾都試過,可能有人覺得「超,好早啫」,係嘅,但我以前十二點就訓㗎喇 OK?我仲試過傾到訓著咗添。

Anyway,熱戀時總係有無數咁多野想同對方講,特別係識咗冇幾耐就一齊嘅就越多野傾,講真連對方嘅興趣習慣都未必知晒,就梗係多野講,講完呢堆之後,就開始傾無聊野,晏晝食咗咩都可以講一餐,連隔離同事行過放個屁都講,係,熱戀期就係咁無聊,因為呢啲濕碎野又冇得同朋友講,但熱戀期就正正合理化咗成件事,講真,唔講呢啲野邊有咁多野講。

但叫得熱戀期,就梗係代表有限期,係會結束,進入冷淡期,是但一方會開始想要多啲自己嘅空間同時間,慢慢就唔想講,會覺得無聊。之後會發生咩事?

「你一開始追我嗰陣唔係成日打畀我㗎咩?」
「你變咗喇。」
「你以前都唔係咁㗎。」
「好辛苦你咩依家?你以前追我嗰陣都係咁啦。」

成日傾電話有咩問題?就係話題始終都有完結嘅一日,話之你由香港傾到美國政局,始終都會傾完所有有趣嘅話題。然後淨返就係晏晝食咗咩,同事講過咩,日日都有新鮮野咩?淨返啲無聊野嗰陣,你肯定你仲頂得順日日都係咁咩?

有時候有啲事開始咗就停唔到,你冇得一開始講電話然後之後唔講電話,因為你一定會面對人生其中一個難題,「點解依家就唔得呀?」

如果一開始就唔咁做,就唔需要面對呢個問題。

感情係一條 Depreciation curve,即係越相處得多感情會越差,咁當然你唔努力去相處都一樣會差啦,即係 Take a balance,唔好誤會我唔係叫人丟低段感情唔理就會自然好。感情需要時間同距離先有得發酵,喺條 Curve 上面其實隨住越耐唔見就會有越大 Returning effect,即係有返咁上下時間唔見或者唔相處,其實係會令感情好咗,但成日見成日傾電話只會令段感情 Depreciate 得越快,有時候俾大家一啲空間,段感情先唔會 Depreciate。

真心想段感情發展落去的話,奉勸一句,傾少啲電話,俾大家多啲空間。

不過都唔會有人聽㗎喇,唔傾耐啲,一開頭又點會追到喎,係嘅,我明嘅。


如果喜歡我的文章可以來我的 Facebook page 支持一下啊

希雨

https://www.facebook.com/rainingheiyu

【 Auditor 必睇】當不懂 Management 的人成為 Manager,我真係恭喜你呀

【 Auditor 必睇】當不懂 Management 的人成為 Manager,我真係恭喜你呀

如果我跟你說有份工,入職前無需經驗,然後做滿五年,第六年起跳就可以做 Manager,怎樣,很不錯對吧?

這份工,就是審計。

審計的好處是事業路線清晰,一條直路 ,只要考完試、捱得過朝十朝五的工作時間、沒有得罪人的話,幾乎任何人都可以成為經理。

對於在上位的人當然是爽,所以有很多人常把「我唔做架啦要我帶邊隻邊隻 Job 我一定走」之類的廢話掛在嘴邊,但大家都知道他們在等百份之一千在等升經理。

而受苦的,只會是他們樓下的人。

一間公司,理論上老闆構思決策,經理把決策化成可行的計劃,員工則執行細節。
經理的重要在於他們夾在中間,需要處理工作之外,還要設計時間表,安排人手,處理人事關係,鼓勵下屬激發潛能。

理論上,應該是這樣的。

但審計的經理是怎樣呢?
他們需要的是年資,而不是管理能力。
他們可以有很強的工作能力,但管理技巧?你要求一個二十幾歲,踏入社會幾年的人可以有多強的管理技巧?

有些經理很好,他們知道體諒,會定合理的時間表,會在工作上扶別人一把,也會爭取應有的回報。

但總有些人認為經理就是「經一經你」,把工作散出去,回報自己落袋,下屬一切努力都是理所當然一點犯錯都是不能容忍。

或許他們的工作效率都很高,畢竟捱得過五年的人都是值得尊敬的,但經理的位置不單要求工作能力,一個處事混亂死線亂定出言刻薄小氣記仇苛刻炎涼的人坐在經理的位置,就算她或他工作強到識飛又有何用?

當一間公司的中層員工漸漸變成這類人,遲早人心背向,留不住現今仍然重要的人材,這公司大概離終點不遠。

 

有無諗過行山潮流背後,其實暗藏危機

行山潮流背後,其實暗藏危機 cover

大東山、菠蘿山、龍脊、蚺蛇坳,一個又一個行山熱點出現,前所未有的行山風潮席捲香港,從前的人上山避世,如今週末上山見到的除了人潮之外還是人潮。

令人不禁想問一句:「點解而家咁多人行山?」

然後我決定用一個最簡單的概念去解答這條問題,那就是機會成本。

人生就是選擇,每天睜開眼到底要賴床五分鐘然後遲到還是突然生病決定射波還是直接起床做個勤奮奴工,從鬧鐘響起的一瞬間我們的大腦就會自動計算每個選擇背後的利與弊,再根據經驗挑選出價值最高的選擇。

同樣地,週末消閒的方法有很多,從前不用上班上學的日子可以去睇早場,唱 K lunch,然後逛街,影貼紙相,行格仔舖,睇衫睇鞋睇褲睇模型,逛到累了就掃街吃吃喝喝。

但漸漸的,你發現街上的店舖變成了金舖和藥房,各區商場清一色是 H&M、Uniqlo、無印、Logon、Zara,小販街頭小食的價錢比正常吃一頓飯還要貴,街上亦只有庸俗的歌舞和橫行霸道的強國遊客。

當逛街變得沒趣甚至討厭,自然失去了為成最佳選擇的價值。

於是,網媒雜誌意見領袖不再討論香港有甚麼有特色的地方,因為已經失去了,看準了行山這個新興活動,從芒草到小硤谷,日夜洗板,最後渡過假期的選項彷彿只剩下行山,可能暗示著我們已經漸漸失去了其他休閒喘息的空間。

行山很好,健康,又能夠親近大自然,但只怕終有一天會聽到別人說:

「除左行山,放假仲可以去邊喎?」

我叫阿強,上年我參加了公司的聯誼活動

我叫阿強,上年我參加了公司的聯誼活動 cover

轉眼一年已經過去,今年的二月沒有冷冽的寒風,窗外總是蟲鳴不絕,彷彿孤獨的味道都變淡了。

畢竟工作很忙,悲春傷秋的時間不多,不過是凌晨時分那程的士,還有躺在床上那一瞬間,總希望有一封問候的短訊,和一個溫暖的擁抱。

於是在去年,我不理會別人的眼光,參加了公司舉辦的聯誼派對,HR 說除了我們公司,還有其他專業人士,讓我們擴闊社交圈子。

 

和異性交往的經驗,我沒有,但我的戶口裡有錢。

我在網上看過別人說,審計佬的優勢有三:人工高不在話下,其次是細心認真,最後是太忙沒有出軌的時間。

對我而言三點都沒錯,而為了這次的聯誼,我決定放手一搏。

首先買了一隻八萬蚊的二手的 Daytona,然後在銅鑼灣找印度裁縫造了新的西裝,也在尖沙咀剪了一個在雜誌上看到韓星髮型。

告別戴了五年的黑色 G-Shock,也告別了鬆身吊腳的西裝,希望能夠一併告別二十八年的單身生活。

 

聯誼的會場是五星級的婚宴大廳,風趣的主持人輕鬆炒熱了現場氣氛,在少量酒精飲品的加持下,大家投入地玩著不同的破冰遊戲。

雖然大家都不過是期待著向獵物出手的自由活動時間。

半晚過去,大廳已經圍了一個個的小圈,那圈的男人在對這圈的女人評頭品足,那圈的女人猜度著另一圈男人的家底。

 

五光十色,紫醉燈迷,一切,都變得不真實。

 

我依在牆邊,用戴著 Daytona 的左手輕拿著香檳,雙眼卻因為隱形眼鏡的關係變得乾澀。

「嗨。」一把嫵媚的聲線從我的左邊傳出。

「嗨…嗨。」我強忍著聲音的顫抖,右手食指卻不自覺地伸向鼻樑,直至觸碰到自己才醒起自己沒戴眼鏡。

「你叫甚麼名字?」她長髮八二分界,閃爍的燈光和化妝品讓我看不清她的臉,依稀覺得是個美女。

「阿強…..Kelvin,我叫 Kelvin。」我看著她的眼睛,和她白色晚裝領口位置的深淵。

「嘻嘻,我叫 Kitty,你,是會計師?」她打量著我的 Daytona。

大概這就是尼采說的「當你在遠遠凝視深淵時,深淵也在凝視你」。

「你怎知道?你呢?」我又想把手伸向鼻樑。

「律師。」她笑說,「別看少律師的觀察力和女人的直覺。」

印象中,我從來沒這樣跟家人和同事以外的女人聊天。

 

然而很快,不知道有沒有五分鐘,當我們的話題去到星座運程之後,接下來卻是令人難耐的沉默。

正當我考慮要不要用今年的 HKFRS Update 對客戶和潛在上市公司的影響做話題的時候,她的朋友把她帶走了。

沒有半點留戀,沒有半點不捨,大概我這種條件的男人實在有太多,比我好的也有太多。

我伸手輕碰鼻樑。

「屌。」或者我太少戴隱形眼鏡。

 

放下酒杯,我離開了大廳,笑聲、喧鬧和腎上腺素的氣味漸漸淡出,鬧市的上空沒有繁星,只有馬路上白色的頭燈和紅色的尾燈充當著廉價的點綴。

鬆開領帶,我吃了一碗湯底濃郁的雲吞麵,大概我的人生還需要等待,到底是令人類不再需要伴侶的科技先誕生,還是命中註定的另一半先出現。