【白鬍子駕到】日本岩手只此一隻 — 世界上僅存嘅夢幻黃金虎,夠晒神聖呀!

cover photo new

身為貓奴,無論大貓定細貓,總之有貓嘅個性就覺得係好貓!今次要講嘅唔係普通貓仔,亦都唔係稀有貓仔,而係大貓!可能你哋會問,嘩老虎平日個樣兇神惡煞,好得人驚喎。計我話呢隻老虎相當之神聖,成大間動物園只此一隻,睇耐咗仲覺得有啲可愛添~

f0250322_2019771

佢叫 Volta,佢並唔係普通老虎,因為佢嘅毛色太獨特,連同類見到佢都要望多兩眼。Volta 仔現居日本岩手野生動物園( 岩手サファリパーク ),全身啲毛淺啡色,喺佢身上嘅斑紋都係啡色㗎。嗱,嗌得佢做「白鬍子」就梗係有原因啦,你哋睇佢嘴下面嘅鬚白雪雪,簡直唔係浪得虛名呀!

9df0000ea899b12bb8d

CxxaQTvVEAAGXUe

唔知點解望住 Volta 仔,竟然冇驚青嘅感覺,或者係佢比同類少咗份殺氣,不過啡白色嘅佢反而多咗份可愛喺度。計我話,其實佢都係貓仔嚟姐,唔會咬人嘅可!

CqDXl-4UMAEK3og

c9f2f085

paCXoJ_YlZ6VqqSa

【 Click 入去仲有好多動物仔等緊你㗎!】

【旗艦物種】珍貴雪豹經常咬住條尾,原來唔是冇原因嘅!

【識飛嘅喂】最鍾意喺雪地「飛」嚟「飛」去嘅小動物 — 北海道飛鼠

【得手掌咁大?】現實世界版小鹿斑比!有請世界上最細粒嘅普度鹿仔⋯

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓


Photo:岩手サファリパーク

【旗艦物種】珍貴雪豹經常咬住條尾,原來唔是冇原因嘅!

【旗艦物種】珍貴雪豹經常咬住條尾,原來唔是冇原因嘅! cover

每次睇到各位巴絲嘅留言,總係離唔開呢句說話「如果畀強國人知道一定咩都冇呀」。所以上次同大家講完鹿中霸王,我都決定搵吓強國究竟有咩鬼罕動物,於是畀我搵到呢隻屬於旗艦種嘅佢 — 雪豹,旗艦物種代表住佢哋擁有非一般嘅吸引力同公眾號召力,係能夠引起公眾關注嘅物種。

maxresdefault

360799-generic-photo-of-snow-leopard-from-flickr-uploaded-july-24-2015

f34704998ca995089c6bc824b7e36e2b

p7HRiw3

雪豹外號「雪山之王」,一直生活喺亞洲嘅中部山區、中國天山等高海拔嘅山地。而雪豹身上嘅花紋亦都帶畀佢哋一種與生俱來嘅保護色,好容易就喺野外隱藏到自己。畀人覺得好兇猛嘅佢哋,成日都做出一個可愛嘅動作 — 咬住自己條尾,搞到同佢哋咁鬼 Cool 嘅外表有個好大嘅反差,但究竟係咩原因呢…?

paCXoKSakaGXq6Sb

e0YH8DX

嗱~喺度要特別講一講嘅係,雪豹條尾其實係可以長到 80 至 105 cm,如果用數字想像唔到嘅話唔緊要,最緊要都係我有圖。冇錯,佢哋條尾幾乎同身體差唔多咁大咁長,誇張啲咁講個比例係一比一咁濟添呀!

Demochen-Dongri-hero

講返正題先,雪豹成日要咬住條尾原來有兩個唔同嘅講法。第一,佢哋長期居住喺寒冷嘅環境底下,咬住條尾絕來可以幫到佢哋遮住自己個口鼻嚟保溫。第二,亦都有人話雪豹係透過咬住自己條尾嚟得到安全感,同時係為咗舒緩佢哋緊張嘅情緒(例如喺動物園見到佢哋咬住自己條尾)。

Snow Leopard Cubs

老老實實,其實佢哋驚人一啲都唔出奇,雪豹本身鍾意獨行,加上生活嘅地方都係遠離人群。自從畀人發現咗佢哋嘅經濟價值,一時又話佢哋啲毛好靚,要拎嚟做皮草,一時又話佢哋啲骨可以醫病,令到佢哋畀人大量非法獵殺,喺強國,佢哋嘅數量係比大熊貓仲要少添㗎,所以驚人都唔係冇原因嘅!

brookfield-zoo-snow-leopard-cub-1

snow-leopard-cubs-wallpaper-1

Image: Snow leopard barely open their eyes at t

唔駛咁沉重啵各位,雪豹嘅研究同保育行動亦都不斷發展緊,幾年前亦都喺青海三江源地區搵到雪豹嘅蹤影,都算係一個唔錯嘅進展啦!等我哋一齊睇吓雪豹 bb 嘅片段輕鬆吓先呢~

【 Click 入去仲有好多動物仔等緊你㗎!】

【識飛嘅喂】最鍾意喺雪地「飛」嚟「飛」去嘅小動物 — 北海道飛鼠

【得手掌咁大?】現實世界版小鹿斑比!有請世界上最細粒嘅普度鹿仔⋯

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓


Photo:Pinterest、WeNeedFun

Video:Youtube

【鹿出沒注意】連北歐路邊告示牌都警告!鹿中霸王 — 駝鹿

【鹿出沒注意】連北歐路邊告示牌都警告!鹿中霸王 — 駝鹿 cover2

有留意開我介紹嘅動物,大家都應該知道有幾千奇百怪,就好似今日我想講嘅唔是聖誕鹿,亦都唔是想講海賊王入面嘅 Chopper,而係駝鹿…(點解要加點點點係因為講完個名都已經有陣寒意)

首先要畀大家睇嘅會係一個路邊告示牌,呢個告示牌唔係改圖,亦都冇失實,因為駝鹿的確係可以大過架車嘅!

P1100128

嗱!你哋唔好聽到個鹿字就以為一定係日本奈良嗰種撞吓你屎忽嘅可愛鹿仔。駝鹿絕對係世界上最 L 大嘅鹿科動物,用「最大」嚟形容都未夠貼切,因為真係太大隻嘅關係,用「最 L 大」會比較好。佢哋身長差唔多成 3 米,論高度高過 2 米,跑起上嚟時速過 50 公里,冇錯,佢只係一隻食草嘅鹿,不過係至少撞得死我嘅鹿。

alaska-moose-hunting-banner

Moose Bull, Male, Alaska, USA

781f58be5d6b667fbd35ac1527fd5460

佢哋咁 L 大隻,喺北歐國家畀人嗌做森林之王,呢個時候我話知佢辛巴定泰山都要行開一二邊。正因為佢哋目中無人(都合理嘅),見到馬路話過就過,人類於是喺馬路邊整咗好多個告示牌,希望大家唔好撞到駝鹿。原因唔係驚撞傷佢,而係驚你哋會死,據說駝鹿係曾經造過 250 人傷亡,就算唔係一次過嚟,我諗呢個數字都好得人驚嘅可…

1773137_tn-600x315

如果你哋要話駝鹿係海賊王入面嘅 Chopper,其實諗諗吓都合理嘅,不過會係呢個 Chopper …雖然佢哋真係好 L 大力,成世鹿又冇乜天敵,但唔知點解人類係好鬼鍾意獵殺佢哋,我搵資料嗰陣,大部份嘅相都係啲人獵殺完同佢哋嘅合照,乜…咁樣開心啲咩,諗起都笑唔出呀真係!

1379120276-3904900857

【 Click 入去仲有好多動物仔等緊你㗎!】

【識飛嘅喂】最鍾意喺雪地「飛」嚟「飛」去嘅小動物 — 北海道飛鼠

【得手掌咁大?】現實世界版小鹿斑比!有請世界上最細粒嘅普度鹿仔⋯

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓


Photo:Twitter、Pinterest、Curazy

【識飛嘅喂】最鍾意喺雪地「飛」嚟「飛」去嘅小動物 — 北海道飛鼠

【識飛嘅喂】最鍾意喺雪地「飛」嚟「飛」去嘅小動物 — 北海道飛鼠 cover

就咁嘅,話說我成日喺網上面見到以下呢一張相,就連長輩圖都有呢隻小動物份,直到今日我終於知道呢隻眼仔碌碌嘅小動物究竟係乜東東。唔好睇佢細細隻又同松鼠仔有幾分相似咁,其實佢哋仲識「飛」添呀喂!

Flying-Squirrel-5

14836169933948680

喺我了解過之後,終於知道佢哋叫做北海道飛鼠,又或者嗌佢做西伯利亞鼯鼠( Pteromys Volans ),其實淨係睇佢哋成舊糯米糍咁嘅樣,飛唔飛已經唔是重點啦係咪?!除咗居住喺日本北海道,仲有喺波羅的海至太平洋沿岸嘅地區都可以見到佢哋嘅蹤影。

9d4c4b4a160291ca4c57bd4c7d33d86d

eebbae82afc6824ab8416f2cf4ea7249

北海道飛鼠個性比較細膽,所以佢哋多數都會將自己收埋喺個樹窿入面,得閒就伸個頭出嚟視察吓環境再出動,所以好多野生動物攝影師都捕捉到佢哋喺樹窿探頭出嚟呢一幕,雖然佢哋係夜行性嘅小動物,不過日出、日落時份都會行出行入睇吓附近有咩玩有咩食,冇計啦細膽都要搵食㗎嘛!

4085d591fa07587b90e1e250ae10ab01

9eed47e919ff05fd0deb858849124c22

41_54cc5362167cf

講起搵食,佢哋樹葉、樹皮、果實、昆蟲咩都會擺落肚,基本上附近有乜就食,簡直係唔會揀飲擇食嘅好孩子。講咁耐大家都應該好想知佢哋究竟飛嘅時候係點,各位睇住~唔好眨眼!

7f900003c0bd69b86c2

唔好諗住佢哋真係識飛,如果畀我講,我會覺得滑翔係更適合形容呢班小飛鼠,諗諗吓其實佢哋真係好似寵物小精靈入面嘅電飛鼠,即係佢!雖然佢哋屬於無危級別,但亦唔代表非常安全,其實佢哋咁細膽淨係鍾意收埋自己喺碌木入面,一人斬一碌木嘅話,佢哋就唔知哩埋喺邊度好㗎喇嗚嗚…

142704uqq9tjk8ka1kwmfd

2CiUb

image

1483616993394909

【 Click 入去仲有好多動物仔等緊你㗎!】

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓

【極度罕有】夢幻背後充滿殘酷? — 粉紅香檳狐

【日本愛媛縣青島】愛貓者天堂!日本海上一個名副其實嘅「貓島」


Photo:Pinterest、Boredpanda、sosg.net

Video:Youtube

【日本新潟縣佐渡市】一大群兔仔守候寺廟!日本兔兔神社 — 長谷寺

【日本新潟縣】一大群兔仔守候寺廟!日本兔兔神社 — 長谷寺 cover

鐮倉同奈良嘅長谷寺大家就聽得多,不過喺新潟縣嘅長谷寺,你哋又有冇去過呢?如果就咁睇,間寺廟平平無奇,或者會有十萬個為甚麼要嚟呢度,但如果我話你聽呢度嘅住持大部份都係兔仔,你哋又有冇興趣呢!

detail0102_k05

detail0102_k01

detail0102_k02

只要你哋嚟到呢度就會發現有幾神奇,因為無論你點望,四周圍都係兔仔,仲要圍繞住成間寺廟添!

【日本新潟縣】一大群兔仔守候寺廟!日本兔兔神社 — 長谷寺

11055acee3f30039_0

呢一群兔仔竟然係有人訓練過,而佢哋嘅職責就係喺長谷寺嘅四周圍食晒啲雜草去,唔信?連牌都棟埋喺度添呀!

6c855acec3c2f8e8_0

如果嚟到日本東北想去啲靜靜哋嘅地方,不妨嚟呢度同佢哋影吓相玩吓,我相信都幾寫意㗎!

dc255acee09e107d_0

3d655acef3a8b71f_0

1148406

【 Click 入去仲有好多動物仔等緊你㗎!】

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓

【極度罕有】夢幻背後充滿殘酷? — 粉紅香檳狐

【日本愛媛縣青島】愛貓者天堂!日本海上一個名副其實嘅「貓島」


Photo:Naver、Pinterest

【得手掌咁大?】現實世界版小鹿斑比!有請世界上最細粒嘅普度鹿仔⋯

【手掌咁

有睇開迪士尼卡通嘅朋友,相信對《小鹿斑比》呢套卡通一啲都唔陌生,就算未睇過都應該聽過佢個大名,即使未聽過個大名都應該見過吓個樣,係⋯佢就係斑比!

55426106201106130100531415203057225_003

之但係唔知大家有冇諗過,如果現實世界真係有咁細隻嘅鹿仔存在,佢哋又會係點嘅樣㗎呢?事不宜遲,我即刻話畀大家知斑比嚟到現實世界係幾咁可愛!

5

An endangered southern pudu, the world's smallest deer, at The Wildlife Con

世界咁大梗係無奇不有,而呢種世界上最細粒、最的適嘅鹿仔就叫普度鹿,主要居住喺智利同阿根廷一帶。普度鹿平日食嘅嘢大多數都係樹葉、紅蘿蔔等等,係咪食得好有營養呢!

1

7

佢哋最大原來都只係 35 cm 高,啱啱出世嘅普度鹿更可以一隻手就拎得起佢,非常袖珍㗎真係!不過佢哋天生超級細膽,而且好容易受驚,如果大家見到佢哋向後行同時發出一啲叫聲,就代表佢哋驚驚哋喇!

3

4

JULY 8: An undated photo provided by the Wildlife Conservation Society shows a newborn Southern pudu, native to Chile and Argentina, a member of the world's smallest deer species, that was born at the Queens Zoo last month in New York. The doe weighed 1 pound at birth. (Julie Larsen Maher/Wildlife Conservation Society)

老老實實啦,呢個世界仲有非常多未知嘅動物存在,我哋人類至少要做好自己,努力啲去保護地球,佢哋先唔會滅絕。我相信你哋都同我一樣唔會想咁多小動物消失嘅係咪!(快啲答我係呀喂唔該⋯)

【 Click 入去仲有好多動物仔等緊你㗎!】

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓

【極度罕有】夢幻背後充滿殘酷? — 粉紅香檳狐

【日本愛媛縣青島】愛貓者天堂!日本海上一個名副其實嘅「貓島」


Photo:Pinterest、WCS Newsroom

Video:Youtube

【 bb 仔特別可愛】大眼芝娃娃化身!浣熊嘅親戚 — 中美蓬尾浣熊

【 bb 仔特別可愛】大眼芝娃娃化身!浣熊嘅親戚 — 中美蓬尾浣熊 cover 2

唔知大家仲記唔記得我先前講過韓國嘅浣熊 Cafe,眼見浣熊已經越嚟越多人識,但大家其實又知唔知浣熊係分好多種嘅呢?而今次呢種浣熊個樣竟然同芝娃娃好鬼似樣,眼大大、細細隻咁,為咗令大家清楚知道芝娃娃係咩樣,小人即刻獻上「嫩口、白滑、的適芝娃娃」沙龍一張先!

芝娃娃

今日嘅主角就係佢喇,佢來自墨西哥南部去到巴拿馬西部嘅中美洲地帶,中美蓬尾浣熊!呢種浣熊仔非常鍾意住喺潮濕同熱帶地區嘅樹林,但只係會生活喺好細嘅區域,而且完全依賴森林環境,所以其實人類不斷伐林係會對佢地好大影響㗎!

139350_orig

【 bb 仔特別可愛】大眼芝娃娃化身!浣熊嘅親戚 — 中美蓬尾浣熊

除此之外,中美蓬尾浣熊屬於夜行同雜食性動物,亦都係人類驅鼠嘅好伙伴,我第一吓望住佢對眼,就已經畀佢深深吸引住,即刻諗起腎仔嘅「黑色眼睛,沿途與你有過一幀風景~」

ringtail-against-oak-2

而喺 2011 年嘅 6 月,美國亞利桑那州土桑一間野生動物保育中心入面,就有一隻非常可愛嘅中美蓬尾浣熊 bb 嚟到呢個世界,大家準備好睇吓呢個小生命未呢~

f8fd7a0b

55367b10

aff06d3f

【 Click 入去仲有好多動物仔等緊你㗎!】

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓

【極度罕有】夢幻背後充滿殘酷? — 粉紅香檳狐

【日本愛媛縣青島】愛貓者天堂!日本海上一個名副其實嘅「貓島」


Photo:Pinterest、Karapaia

Video:Youtube

 

【熱鬥小馬】帶畀小朋友無限歡樂!世界紀錄公認最細粒嘅馬仔 Thumbelina

【熱鬥小馬】帶畀小朋友無限歡樂!世界紀錄公認最細粒嘅馬仔 Thumbelina cover

好記得我細細個嗰陣,TVB 夜晚會播《熱鬥小馬》,老老實實雖然我冇乜睇過,不過印象中都記得有隻白色嘅馬仔,鼻窿大到成隻牛咁,個身細到成隻狗咁,係喇就係佢!

midorino_makibao-

日子耐咗,我發現呢個世界原來真係乜都有,原來呢個世界真係有咁細隻嘅馬仔,唔係講緊擺落口嗰啲,而係講緊金氏世界紀錄公認最細粒嘅馬仔 Thumbelina, Thumbelina 嘅父母本身都係迷你馬,但佢比佢嘅父母更加細粒,得 44 cm 高,仲要得 26 公斤左右重。究竟點解佢可以咁細粒,全因為佢患有一個罕見嘅病,令佢唔能夠正常長大,行起路上嚟都唔太方便,呢個病叫侏儒症。

102841544

d746754

Thumbelina 喺 2001 年 5 月 1 日嚟到呢個世界,家陣住喺美國密蘇里州嘅 Goose Creek 農場,而且仲有個好錫佢嘅主人 Michael Goessling,由於 Thumbelina 行路唔方便,主人亦都幫佢度身訂造咗對鞋,等佢可以健康成長。

desktop-1426689940-600x407

NEW YORK - NOVEMBER 30:   Thumbelina, billed as the Worlds Smallest Horse by the Guinness Book of World Records, stands back stage at the Big Apple Circus where she is making a brief appearance November 30, 2006 in New York City. Thumbelina, who weighs just 58 pounds and stands at 17.5 inches tall, is officially described as a dwarf horse. She is making a brief appearance at the circus before heading back to a farm in New York State.  (Photo by Spencer Platt/Getty Images)

雖然佢實在太細粒,不過主人都話佢同牧場入面其他馬相處得好融洽,成日都喺草地跟住跑嚟跑去,雖然佢冇份落場跑,但佢就可以同主人去醫院或者診所去探啲患病嘅小朋友,帶畀小朋友無限歡樂!

O4T8QsY

desktop-1426689450-600x1167

【 Click 入去仲有好多動物仔等緊你㗎!】

【水族館人氣王】海獺習慣大揭秘!瞓覺都拖到實一實究竟係咩原因呢?

【比熊本熊更加膠】你話人扮我都信!世上最細嘅熊仔 — 馬來熊

【蹤跡詭秘】一度被認為已經絕種?!沙漠上嘅神秘貓星人 — 沙漠貓

【極度罕有】夢幻背後充滿殘酷? — 粉紅香檳狐

【日本愛媛縣青島】愛貓者天堂!日本海上一個名副其實嘅「貓島」


Photo:HooplaHa、Pinterest

Video:Youtube

【水族館人氣王】海獺習慣大揭秘!瞓覺都拖到實一實究竟係咩原因呢?

【水族館人氣王】海獺習慣大揭秘!瞓覺都拖到實一實究竟係咩原因呢? cover

我記得之前同大家講過東京嘅鎮館之寶 — 小爪水獺,而海獺就係水獺亞科入面嘅其中一屬,可能有好多人都分唔清水獺同海獺,不過相信你哋都會一致認為佢哋都係超級可愛超級醒嘅小動物!除咗佢哋成日會用對手仔遮住對眼之外,佢哋喺水上瞓覺嗰陣竟然會拖住其他海獺仔,究竟點解可以同同伴咁溫馨,就等我今日話大家拆解呢個謎團…

(海獺仔:吓!做咩無啦啦爆我大獲呀!)

201006061800

有啲人去水族館睇佢哋嗰陣都或者會留意到佢哋瞓覺痴埋一齊手拖手,由於時間關係,我亦都喺網上搜羅咗啲相同你哋分享一吓!

pJyZpJ6Zk6eeqKQ

pJyZpJ6ZlaSWqKQ

pJyZpJ6ZlaaaqKQ

嗱!是咁的,生活喺海洋嘅海獺平日如果就咁喺海上面瞓覺嘅話一定會隨住水流而漂到去唔知邊度,比著係你哋瞓醒唔知喺邊度都驚啦是咪先!正因為咁,好醒目嘅海獺平日瞓覺一定會將啲海草綁喺自己身上,由於啲海草嘅根喺海底,佢哋浮喺水面就好似扣住咗安全帶,咁醒目嘅海獺大家係咪估佢哋唔到呢~

Sea-otter2004-by-Ryan-Wolt-MA-043219-3

SEA OTTER IN KELP BED (Enhydra lutris), COASTAL MARINE NORTH PACIFIC OCEAN

不過喺水族館裡面,始終冇海草喺度,醒目嘅佢哋慢慢就學識同同伴互相幫忙,一眼瞓喇喎~梗係即刻伸隻手仔出嚟問隔離嗰個有冇興趣一齊瞓啦!(左面嗰隻已經落足力㗎喇,不過右邊嘅海獺仔好似唔係好領情啵…)

C14VYLVUoAAZ8SA

【 Click 入去仲有好多動物仔等緊你㗎!】

【日本東京原宿】養咗 9 隻兔兔嘅一家人!— 一同走入 Ra.a.g.f Rabbit Café

【韓國首爾弘大】活潑浣熊仔陪大家歎咖啡 — 맹쿤 Raccoon Cafe

【日本愛媛縣青島】愛貓者天堂!日本海上一個名副其實嘅「貓島」

【日本東京六本木】世界上第一間可愛刺蝟咖啡店 — HARRY Cafe

【日本宮城縣白石市】過百隻唔怕人嘅可愛狐狸仔聚居 — 藏王狐狸村!


Photo:Kapiyon Twitter、Pinterest

Video:Youtube

【霸氣十足】波斯貓祖先?肥嘟嘟腳又短嘅山地貓星人 — 兔猻

cover 4911

兔猻,我相信冇乜人會聽過呢個名,或者有好多人以為我講緊兔仔,起初我聽到嘅時候都係咁認為,但邊有人估到佢哋係隻肥貓至得㗎!佢哋唔單止有好大塊包包面,仲有兩對短到同哥基有得揮嘅腳仔添。

d696139

Otocolobus_manul

pallas cat 3

兔猻又畀人嗌做蒙古山貓,驟眼睇係咪好鬼大隻好鬼肥?嗱~又肥又矮就真嘅,但係因為啲毛超級鬆先睇落好大隻咁姐,其實佢哋嘅體型同普通家貓差唔多㗎咋。同埋佢哋同其他貓星人唔同,佢哋個瞳孔縮細嗰陣係圓形而唔係直條形嘅!

d696133

兔猻連對居住嘅環境都好挑剔,唔係度度都肯住㗎,如果佢哋肯跟你返屋企,我真係恭喜你呀!佢哋平時住開嘅係又凍又乾燥又多大石嘅草原度,仲好鍾意獨居,邊個霸佢地頭真係死路一條呀。你睇佢哋個樣幾咁兇狠就知啦係咪先?

6295564509_857a7500c6_o

兔猻嘅毛皮係所有貓科動物入面最厚嘅,咁厚唔係為咗遮住啲脂肪,而係要喺雪地度保暖!佢哋啲毛唔單止夠厚,連顏色都會跟季節而變,夏天就成身變晒條紋,一到冬天連毛色都會變白啲,一定係想過返個白色聖誕喇喂~睇到呢度,大家又唔駛畀佢哋嘅霸氣嚇親,其實兔猻都有非常可愛嘅一面!

httpswww.youtube.comwatchv=44n0v6JSeQY

def53560a7fbde55

5518801903_9a84a4c4e0_b

dd353560b2b44331

唔夠可愛?唔知佢哋做乜膠呢,唔緊要!等我將佢哋時光倒流變返 BB 仔畀大家睇吓啦~

3875356092544f50

88753560877ef80c

thumb-1920-436906

【 Click 入去仲有好多動物仔等緊你㗎!】

【日本東京原宿】養咗 9 隻兔兔嘅一家人!— 一同走入 Ra.a.g.f Rabbit Café

【韓國首爾弘大】活潑浣熊仔陪大家歎咖啡 — 맹쿤 Raccoon Cafe

【日本愛媛縣青島】愛貓者天堂!日本海上一個名副其實嘅「貓島」

【日本東京六本木】世界上第一間可愛刺蝟咖啡店 — HARRY Cafe

【日本宮城縣白石市】過百隻唔怕人嘅可愛狐狸仔聚居 — 藏王狐狸村!


Photo:Reddit、Pinterest

Video:Youtube