荃灣西工廈 VR 體驗中心 喪玩 HTC VIVE、PS4 VR 遊戲都只係$50 起!

cover photo new

香港呢個彈丸之地,唔好話要喺屋企做啲咩嘢啦,就連打機都受到土地問題牽連呀!我哋家境清貧,屋企邊有位玩 VR 至得㗎,於是就上咗去呢間位於荃灣西一棟工廈嘅 VR 體驗中心,呢度嘅 HTC VIVE、PS4 VR 有至少 200 款遊戲畀大家選擇,而且仲經常 Update,一有新 Game 出呢度好快就有得玩!

20170621_172314

20170621_172335

20170621_172627

地方就夠大喇,但如果想一大班朋友嚟玩又想有私人空間咁點算呢?冇問題!貼心嘅老闆將成個單位分為大廳同三間獨立房(亦可打通),只要打電話預約房間,成大班朋友就可以一齊喺度 Gathering 喇!

P1010566

P1010583

而每間房入面都有一個 HTC VIVE VR 4 x 3 嘅活動空間,大大提高咗打機嗰陣嘅真實度,一戴上 VR 眼鏡,各位玩家立即置身其中(我試過,我真係試過!),除咗喺房入面玩,仲可以出去大廳玩盡佢!不論賽車 Game,Switch,PS4 Pro,Board Game,應有盡有!

P1010542

20170621_172245

P1010577

P1010579

 

Dreality

地址:荃灣沙咀道 40 – 50 號榮豐工業大廈 1512 室

營業時間:12 nn – 12 am(星期一至日)

收費:$ 50 / 小時(大廳)、$ 50 + 大廳費用(一間獨立房),亦可致電查詢各種優惠

預約電話:37088350 / 6115211

 

觀塘磯燒海鮮兼放題 海鮮刺身任燒任食 2.5 小時

cover photo new

話說前排想去觀塘食晚飯,發現有一間日本嘢本來只係做放題,但近期就轉攻磯燒海鮮,我哋見幾吸引就一於試吓好唔好食!呢間餐廳嘅磯燒海鮮加放題任燒任食 2.5 小時,我哋就睇吓啲海鮮正唔正啦~

所有海鮮將會分為兩類,全部睇落都好新鮮,亦都因為呢個關係,未必日日同款,我哋今次有蟹蓋、特大蟶子、美國珍寶蠔、活鮑魚、帆立貝,呢類係按人頭計算嘅;另一類就係屬於任食,有海蝦、藍青口、翡翠螺、刀貝等等!

WhatsApp Image 2017-07-11 at 22.18.56

當日我哋每人一隻特大蟶子、美國珍寶蠔、活鮑魚、帆立貝,有版畀大家睇,全部都相當大份吓,而蟹味噌甲羅燒(蟹蓋)就每兩個人一份嘅!

WhatsApp Image 2017-07-11 at 22.18.54

WhatsApp Image 2017-07-11 at 22.18.55

WhatsApp Image 2017-07-11 at 22.18.57

WhatsApp Image 2017-07-11 at 22.18.59

除咗磯燒海鮮,當然唔少得放題啦,雖然一時之間變咗做配角,但依然 Keep 到水準,同樣都係咁新鮮,三文魚、甜蝦、帶子可以話係必食,而且嚟得好足添呀!

WhatsApp Image 2017-07-11 at 22.18.52

呢度除咗磯燒海鮮同刺身放題,其實仲有唔少一品料理、天婦羅、壽司、雪糕乳酪等等畀大家選擇,值得嚟試吓嘅!

02ZWLD45DB5C7653D1F6F2px

 

御前大江戶日式料理

地址:觀塘觀塘道 414 號 1 亞太中心 8 樓

營業時間:6 pm – 8:30 pm / 8:30 pm – 11:00 pm(星期一至四)、 6 pm – 8:30 pm / 8:30 pm – 11:00 pm(星期五至日)

查詢及訂座電話:2755 5328

上樓爆房?!觀塘工廈雜物任你爆 減壓必去新地帶

cover photo new

喺香港呢個節奏非常急促嘅地方,行街求其問吓一個人有冇壓力,搵到個答你冇嘅都真係要買六合彩。正因為香港人咁鬼大壓力,觀塘就有一個專係畀人發洩、減壓嘅新地方!呢個名為「爆洩房」嘅地方喺觀塘工廈裡面,只要畀 300 蚊,你哋就可以盡情發洩,打爆晒房入面嘅物品,例如電視、碗碟、酒樽、結他等等,如果你嘅威力夠強大,武器喺發洩過程中爛咗都冇緊要,即刻換過枝繼續任你爆!

WhatsApp Image 2017-07-09 at 12.54.11 (1)

成個單位一共有四間主題房,每間都各自有佢哋嘅特色,牆身亦有唔同字樣去表達都市人嘅內心感受,夠晒「貼心」呀真係!而每間主題房嘅雜物都係由老闆親自收集返嚟,就算客人打爆晒,老闆都會將破壞後嘅雜物送去回收公司,絕唔會製造大量垃圾!

WhatsApp Image 2017-07-09 at 12.54.08

WhatsApp Image 2017-07-09 at 12.54.09

WhatsApp Image 2017-07-09 at 12.54.05

WhatsApp Image 2017-07-09 at 12.54.06

嚟到「爆房」之前,記得做足安全措施呀!首先要戴好面罩、手套、護膝。呢度面罩有幾款選擇,分別有電單車頭盔、防毒面罩(仿)同 V 煞面具等等;而保護衣物方面,就有橙色連身衣或者避彈衣任你揀!做好晒安全措施,大家就可以揀武器,無論係鋼棍抑或木棍一樣咁好打!

19884435_1954505744821551_3712228492953060616_n

WhatsApp Image 2017-07-20 at 20.17.03

嗱我哋仲有個小貼士畀大家,盡量唔好著平底或者個底好薄嘅鞋,Toms呀、拖鞋呀嗰啲擺埋一二邊好喇,因為喺發洩期間會造成大量碎片,著呢類嘅鞋會好易出事㗎嘛!你哋睇吓我嘅威力幾咁強大~

WhatsApp Image 2017-07-20 at 20.13.49

 

WhatsApp Image 2017-07-09 at 12.54.11

爆洩房 Ikari Area

地址:觀塘興業街 16 – 18 號美興工業大廈 A 座 12 樓 A10

價錢:300 HKD / 15 分鐘、500 HKD / 30 分鐘

預約電話:9085 5921

【希臘遊】遊走韓劇拍攝外景化身韓劇主角 探索浪漫聖地 漫步純白沙灘!

cover photo new

提到希臘,大多數人都會諗起藍白色屋或者風光如畫嘅愛琴海,其實希臘仲有好多美景等大家發掘!以下介紹係位於希臘西邊嘅美麗海灘,因為一套紅遍亞洲嘅韓劇《太陽的後裔》,成為當地嘅新興旅遊景點,估唔估喺邊度呢?

Shipwreck 1圖片來源:cocohouse.tistory.com

呢個就係位於扎金索斯( Zakynthos )嘅著名海灘 — 沉船灣( Shipwreck ),之所以叫沉船灣,係因為 1983 年有一艘走私煙草嘅船剛好擱淺在沙灘中央。一齊睇吓入面有咩玩啦!

Shipwreck 2
圖片來源:http://www.ilovetraveling.org/

Shipwreck 3
圖片來源:http://www.ilovetraveling.org/

 

浪漫美景懷舊鐵船 + 純白沙灘

要學似韓劇嘅主角,同情人去到沉船灣談心絕非易事~首先,到達希臘嘅旅客要轉乘內陸機到扎金索斯,然後再坐船到沉船灣。辛苦嚟到沉船灣都係值得嘅,海灘上碧藍海水配上鋪滿於地上嘅白鵝蛋石,於陽光照射下更添耀眼,同情人欣賞藍天碧海嘅美景兼游水曬太陽,真係好浪漫!岸上仲橫放著一艘已經生銹嘅古老鐵船,唔少旅客都同呢個沉船灣嘅地標 Selfie 一番!

Shipwreck 4圖片來源:shotzdelight@Instagram

Shipwreck 5圖片來源:http://www.ilovetraveling.org/

Shipwreck 6圖片來源:jessie.l.m.j@Instagram

 

超刺激 BASE Jump 定點跳傘之地

近年在世界各地興起嘅 BASE Jump 定點跳傘活動連沉船灣都有得玩!BASE Jump 主要會到接近地面嘅建築物或懸崖邊起跳,而沉船灣海灘依附著旁邊嘅懸崖,適合玩 BASE Jump,旅客會特地到走到懸崖上一躍而下,下堕數秒後才打開降傘滑翔,驚險萬分,比 Skydive 高空跳傘更危險,若果大家都鍾意刺激,不妨可試試 BASE Jump 嘅滋味!

Shipwreck 8圖片來源:http://www.ilovetraveling.org/

影片來源:ViralVideoUK@Youtube

【淡季齊齊飛】5 間你住過就無憾嘅馬爾代夫 Resort!

cover photo new

唔講大家未必知,每一年嘅 5 月至 9 月都係馬爾代夫嘅淡季,呢個時候我哋就梗係要捕定睇吓邊間渡假村又平又抵玩啦喂!

cinnamon-dhonveli-maldives-39612746-1496327375-ImageGalleryLightboxLarge

 

5)Soneva Jani

Soneva Jani 喺 2016 年開業,超級新淨唔在講,最屈機係咩呀?係連滑梯都有得你玩呀,連林志穎去馬爾代夫都係嚟呢間㗎!

Soneva-Jani-Resort-Maldives-Water-Villa-2

Soneva-Jani-Resort-Maldives-The-water-Villa

呢間 Resort 嘅接送方式係採用水上飛機,收費絕對係一啲都唔平!一個 12 歲或以上嘅旅客閒閒哋都要畀 USD 800,不過能夠感受喺水上面搭飛機嘅滋味,人生點都要試一次啦!!

private-sea-plane-soneva-resorts-maldives-768x409

 

4)Conrad Maldives

Conrad Maldives 最大嘅賣點係水底餐廳,能夠喺享受美食嘅同時,又可以睇住唔同嘅海洋生物喺水入面游嚟游去,望多兩眼真係以為自己喺海底食緊飯添呀!而喺呢度嘅接送方式亦都係水上飛機,價錢相對 Soneva Jani 平,12 歲或以上嘅旅客收費為 USD 560。

Processed with VSCO with hb2 preset

Conrad-Rangai-30-1

 

3)Dusit Thani Maldives

Dusit Thani Maldives 貴為一間六星級酒店,設計亦加入咗唔少泰式嘅原素,風景靚就一定嘅,大家記得要玩埋呢度嘅浮潛呀,包你玩到唔捨得走!

wKgBpVXb772AAh_OAAQUe9ellYw55

Dusit-Thani-Maldives-12-copy

 

2)Lily beach

Lily beach 喺馬爾代夫入面絕對係數一數二,知名度都非常之高。佢哋除咗係一個價錢包住宿之外,仲會包埋旅客嘅三餐同島上部份設施,一個 12 歲或以上嘅旅客乘坐水上飛機嘅收費為 USD 405。

Lily-Beach-Maldives

Lily_Beach_Deluxe_Water_Villa_2

SunsetWaterSuite_LilyBeach

 

1)Angsana Velavaru Resort

Angsana Velavaru Resort 喺馬爾代夫入面係最出名嘅,呢度嘅住宿足足有兩層咁多,而住宿內亦設有私人泳池,私人空間爆晒燈呀!

Angsana-Velavaru-Maldives-05

Angsana-Velavaru-Maldives-06

Velavaru-13

Angsana-Velavaru-Maldives-22

Angsana-Velavaru-Maldives-33

台灣 Tea Time 好去處!夏日炎炎必食幻夢天使冰磚

cover photo new

夏日炎炎,食冰食甜品就一定最開心。去開台灣嘅話,就一定要去「冰果甜心 Bingirl 」試吓,店內講明係用新鮮自然食材製作料理,仲獨創咗好多創意美食添~

2582comingcoming@Instagram

27827chen_870419@Instagram

一定要試就係最近推出嘅「幻夢天使冰磚」,淨係睇外表就已經覺得超夢幻,將新鮮藍莓、奇異果、芒果融合而成嘅鮮果冰磚,一入口就食到水果嘅天然酸甜滋味,真係靚到唔捨得食!另外仲有火龍果、芒果、西瓜加奇異果口味畀大家揀!

2862748圖片來源:tasty_food_beautiful_life@Instagram

783564圖片來源:imhannahxi@Instagram

563272rachu0122@Instagram

除咗甜品店內仲有好多唔同嘅鹹食同招牌料理,好似鐵鍋鬆餅、茄汁海膽意大利麵同各式燉飯等等。家陣連高雄同台北都有分店,咁去邊兩個地方都可以食到啦!

783785圖片來源:yucih_0108@Instagram

9674835imariellin@Instagram

 

冰果甜心 Bingirl

台北店

地址:台北市信義區松壽路 12 號 4 樓

營業時間:11 am – 10 pm(星期一至四) / 11 am – 11 pm(星期五至日)

預約專線:(02)7737-8788(假日恕無法接受訂位)

 

高雄店

地址:高雄市前鎮區中安路 1-1 號 1 樓

營業時間:11 am – 10 pm(星期一至四)/ 11 am – 10:30 pm(星期五)/ 10:30 am – 10:30 pm(星期六)/ 10:30 am – 10 pm(星期日)

預約電話:(07)793-1155

太子包販子 Mix & Match 包款!一試難忘 咕嚕雞包 陀地西多!

太子包販子 Mix & Match 包款!一試難忘 咕嚕雞包 陀地西多!

之前介紹咗旺角嘅限定薰衣草雪糕畀大家,今次就嚟到太子搵到獨家包款美食!今次介紹嘅就係位於太子嘅包販子,正門嘅大大個插圖夠哂搶眼,唔講仲以為呢度係自家設計精品店。店內裝潢簡約,座位唔算特別多,加上包販子甚受大家歡迎,包點款式數量亦有限,想食就記住早啲嚟搵位喇。不過包販子係逄星期二休息,記住唔好摸門釘啊!除咗必試美食外,店內亦有售賣本地設計師推出嘅產品,歡迎大家多多支持,享受美食之餘亦不忘支持本地設計師。

123456

13235646

嚟到重頭戲介紹包販子嘅美食啦!由於所有美食都係即叫即整,所以大家要留意記住耐心等候。率先介紹嘅就係咕嚕雞包($62),軟熟嘅包配厚切新鮮蕃茄同味道甜美嘅菠蘿,當然唔少得厚切嘅雞肉,香脆又多汁,又唔會有多餘脆漿,食落唔會覺得油膩。加上酸甜醬汁,越食就越開胃,絕對係必試之作!

7894356

呢款陀地西多($66)都係包販子嘅另一款獨家美食,炸多士配半溶雲尼拿雪糕,雪糕上再灑上花生碎及蜜糖脆脆,又甜又香脆,口感十足。冰凍嘅半溶雲尼拿雪糕配熱辣辣嘅炸多士,呢個配搭真係無敵。而且又唔會覺得好滯,無論當做正餐或者甜品都一樣得。

524135

留意到店內都有唔少客人 Order 呢款咖哩海鮮治($68),所以我都試吓啦。唔好睇佢細細碟,其實甚有果味嘅咖哩海鮮都有唔少配料,包括大蝦丶魷魚同元貝等等,當然唔少得紅蘿蔔同薯仔,果然唔簡單!覺得兩塊熱辣辣嘅牛油多士都唔夠喉,因為真係太好味!如果可以加多一兩塊多士就好啦!

4536413

最後介紹嘅就係 123 豬手治($62),厚切軟熟牛油多士配煮到入哂味嘅豬手絲,份量十足,呢個配搭真係無得頂!加上旁邊有酸甜醃蘿蔔,如果你怕覺得油膩可以食啲醃菜,不過其實呢款美食都唔油膩,所以一試無妨。包販子當然有其他獨家美食,仲有每日唔同款式嘅「包販子是日福食」,保證有驚喜。快啲嚟太子嘅包販子嘆下獨家美食啦!

79863456

 

包販子

地址:太子通菜街 254 號地舖

日本食個拉麵都要搵命搏? めん馬鹿一代噴火拉麵

日本食個拉麵都要搵命搏? めん馬鹿一代噴火拉麵

去日本食拉麵明明係好正常嘅事,但如果要用條命去試,大家又肯唔肯呢?喺日本京都嘅 めん馬鹿一代,賣點就係會噴火嘅主打火焰蔥拉麵,唔好以為好似平時啲餐廳咁,因為呢個火嘅高度足足有一米咁高,又唔會火燭呢吓好嘢喎~

65341.3圖片來源:khiem.kim.ho.xuan@Instagram

咁大家又唔駛咁擔心,因為只要跟足老闆指示去做就完全冇問題,第一、請將杯子放到桌下;第二、從頭到尾都不要觸碰麵碗;第三、請勿任意離席或逃離座位;第四、請勿大聲尖叫或騷動。

8563746圖片來源:ruty25@Instagram

確認大家都清楚後,老闆就會放上一碗蔥拉麵,然後再請大家將雙手放喺背後,身體向後傾斜,然後做好心理準備~之後,熊熊大火就會喺你面前升起,足足燒到天花板咁高!同埋記得倒熱油嗰陣係唔可以影相㗎,想記低神聖嘅一刻就記住搵人幫你影喇!

97936.
圖片來源:jwanko1@Instagram

而且唔係淨係得噴火呢個賣點,拉麵本身都已經好有質素,上面灑咗京都九條蔥,經過火燒後,拉麵充滿濃濃嘅青蔥香氣,鍾意食蔥嘅朋友唔好錯過!

3.21354圖片來源:inexology@Instagram

 

めん馬鹿一代

地址:京都市上京区丸太町通智恵光院東入南側佐々木ビル1階

電話:075-812-5818

營業時間:12 pm – 2:30 pm、6 pm – 3 am(逢星期二休息)

【香港人主理】美國 PUFFLE CONE 玫瑰雪糕雞蛋仔 今期 IG 大熱!

【香港人主理】美國 PUFFLE CONE 玫瑰雪糕雞蛋仔 今期 IG 大熱!

提到香港最受歡迎嘅懷舊小食,點可以唔提雞蛋仔呀!圖中熟口熟面嘅雞蛋仔加上雪糕甜品,竟然唔係來自香港,而係來自美國?!

CauldronIC 1

CauldronIC 2

CauldronIC 3

位於美國 Santa Ana(聖塔安娜)嘅雪糕品牌 Cauldron Ice Cream,靠住超唯美嘅玫瑰雪糕外形,以及同港式雞蛋仔替代雪糕筒嘅獨特配搭,成為網上最 Hit 嘅雪糕店之一。

CauldronIC 4

CauldronIC 5

原來店主係香港人,成功將香港超受歡迎嘅雞蛋仔引入外國,再加上少女喜愛嘅玫瑰花雪糕,真係睇見都冧!除咗外觀創意攞滿分之外,其口感同味道都一樣受網民大讚,鬆軟嘅雞蛋仔同雪糕巧美妙融合,而且每月店內都會推出新口味,保證有新鮮感!

CauldronIC 6

夏天係蜜瓜盛產嘅季節,而店內今期亦推出蜜糖蜜瓜味嘅新口味,畀大家消消暑!

CauldronIC 7

呢款以太陽月亮星星( Sun,Moon & Stars )命名嘅 Puffle Cone,以宇宙星際作為靈感,淺藍色雪糕加上星星裝飾,更添夢幻感覺!其口味混合了烏龍茶、綠茶及茉莉花 3 種材料,最啱鍾意茶味嘅兄弟姐妹!

CauldronIC 8

朱古力味雞蛋仔再加上朱古力味雪糕,絕對係不死配搭!喺上面再加上外皮烤成焦黃色嘅棉花糖,趁棉花糖仲熱辣辣時候咬落去,口感綿柔 ,感覺好幸福啊!

CauldronIC 10

想食得冇咁 Heavy又簡單啲?冇問題,淨係要玫瑰花雪糕都不失為一個好選擇呀!

CauldronIC 11

 

Cauldron Ice Cream

電話:657-245-3442

地址:美國加州聖塔安娜麥克阿瑟大道 1421 號

元朗必試重慶美食!挑戰辣度品嚐地道特色麵食同小食!

元朗必試重慶美食!挑戰辣度品嚐地道特色麵食同小食!

鍾意食辣嘅你可以食到幾辣?雖然我食唔到辣,不過身邊都有唔少無辣不歡嘅朋友,見到新開嘅辣菜餐廳就一定要試。無論係挑戰自己定係想品嚐唔同餐廳嘅獨家調辣配方,呢間位於元朗嘅渝林庭就一定唔可以錯過,每日都好快賣哂,手快有手慢無!食厭咗重慶雞煲,又想試吓重慶地道麵食同小食?即刻睇落去啦!

123

456

嚟到渝林庭,無論你係無辣不歡定係好似我咁滴辣不沾,一樣可以滿足到你嘅願望,皆因你可以自行選擇辣度,要唔辣有唔辣,當然要幾辣亦有幾辣!既然講明係嚟試重慶小食,又點少得蒜泥白肉($32)?最後我揀咗最少辣,秘製醬汁夠哂濃味,配搭香滑豬肉片真係無得輸,而且醬汁最少辣亦都唔會食得辛苦,啱哂我呀!

798

除咗蒜泥白肉,仲揀咗口水雞麵($48)。雖然話係配麵,但係口水雞份量十足,加埋秘製醬汁真係夠哂獨家。除咗可選擇辣度,你仲可以揀要幾麻,想食到個口有麻痺嘅感覺?咁你就要落單時講明要幾麻!當然食辣嘅朋友就會揀辣湯,而唔食辣嘅朋友就可以揀豬骨湯,一樣咁美味!而且可以揀其他麵或飯,例如新鮮小麵丶重慶米線丶紅薯粉丶土豆粉同飯,款款都咁好味。

321

另一位無辣不歡嘅朋友就揀左人氣甚高嘅水煮魚麵($48),睇到咁紅嘅湯底,我見到都怕怕…不過相信各位愛辣嘅朋友見到就會覺得好興奮!渝林庭嘅獨家水煮魚麵係特意選用生魚,夠哂滑,麵同生魚都份量十足,真係夠哂抵食!不過渝林庭嘅辣度都並非普通貨色,各位小心愈食愈辣,大家記住量力而為啊!

9362

介紹咗幾款香辣菜式畀大家,係時候介紹返款畀同我一樣唔愛辣嘅麵食。呢款就係雞絲涼麵($42),唔好睇落好似細細碟咁,其實份量一啲都唔少。涼麵就啱哂大熱天時食,加埋獨家酸酸甜甜嘅醬汁,越食就越開胃,而且感覺涼爽,用嚟消滯就一流!入味嘅雞絲加埋香脆花生,口感其有層次。

123546

除咗我介紹呢幾款之外,渝林庭仲有其他地道重慶美食,例如酸菜魚麵($48)丶蘿蔔鴨肉湯麵($45)丶酸豆角肉沬麵($38)同豌豆肉碎炸醬麵($42)等等,當然仲有涼拌筍絲($28)丶北川涼粉($28)同麻辣豬耳($32)等等,價錢又親民,真係款款都咁吸引。仲唔快啲嚟渝林庭品嚐重慶美食?

 

渝林庭

地址:元朗馬田路 38 號怡豐花園 B 座地下 4 號舖