台灣 Tea Time 好去處!夏日炎炎必食幻夢天使冰磚

cover photo new

夏日炎炎,食冰食甜品就一定最開心。去開台灣嘅話,就一定要去「冰果甜心 Bingirl 」試吓,店內講明係用新鮮自然食材製作料理,仲獨創咗好多創意美食添~

2582comingcoming@Instagram

27827chen_870419@Instagram

一定要試就係最近推出嘅「幻夢天使冰磚」,淨係睇外表就已經覺得超夢幻,將新鮮藍莓、奇異果、芒果融合而成嘅鮮果冰磚,一入口就食到水果嘅天然酸甜滋味,真係靚到唔捨得食!另外仲有火龍果、芒果、西瓜加奇異果口味畀大家揀!

2862748圖片來源:tasty_food_beautiful_life@Instagram

783564圖片來源:imhannahxi@Instagram

563272rachu0122@Instagram

除咗甜品店內仲有好多唔同嘅鹹食同招牌料理,好似鐵鍋鬆餅、茄汁海膽意大利麵同各式燉飯等等。家陣連高雄同台北都有分店,咁去邊兩個地方都可以食到啦!

783785圖片來源:yucih_0108@Instagram

9674835imariellin@Instagram

 

冰果甜心 Bingirl

台北店

地址:台北市信義區松壽路 12 號 4 樓

營業時間:11 am – 10 pm(星期一至四) / 11 am – 11 pm(星期五至日)

預約專線:(02)7737-8788(假日恕無法接受訂位)

 

高雄店

地址:高雄市前鎮區中安路 1-1 號 1 樓

營業時間:11 am – 10 pm(星期一至四)/ 11 am – 10:30 pm(星期五)/ 10:30 am – 10:30 pm(星期六)/ 10:30 am – 10 pm(星期日)

預約電話:(07)793-1155

太子包販子 Mix & Match 包款!一試難忘 咕嚕雞包 陀地西多!

太子包販子 Mix & Match 包款!一試難忘 咕嚕雞包 陀地西多!

之前介紹咗旺角嘅限定薰衣草雪糕畀大家,今次就嚟到太子搵到獨家包款美食!今次介紹嘅就係位於太子嘅包販子,正門嘅大大個插圖夠哂搶眼,唔講仲以為呢度係自家設計精品店。店內裝潢簡約,座位唔算特別多,加上包販子甚受大家歡迎,包點款式數量亦有限,想食就記住早啲嚟搵位喇。不過包販子係逄星期二休息,記住唔好摸門釘啊!除咗必試美食外,店內亦有售賣本地設計師推出嘅產品,歡迎大家多多支持,享受美食之餘亦不忘支持本地設計師。

123456

13235646

嚟到重頭戲介紹包販子嘅美食啦!由於所有美食都係即叫即整,所以大家要留意記住耐心等候。率先介紹嘅就係咕嚕雞包($62),軟熟嘅包配厚切新鮮蕃茄同味道甜美嘅菠蘿,當然唔少得厚切嘅雞肉,香脆又多汁,又唔會有多餘脆漿,食落唔會覺得油膩。加上酸甜醬汁,越食就越開胃,絕對係必試之作!

7894356

呢款陀地西多($66)都係包販子嘅另一款獨家美食,炸多士配半溶雲尼拿雪糕,雪糕上再灑上花生碎及蜜糖脆脆,又甜又香脆,口感十足。冰凍嘅半溶雲尼拿雪糕配熱辣辣嘅炸多士,呢個配搭真係無敵。而且又唔會覺得好滯,無論當做正餐或者甜品都一樣得。

524135

留意到店內都有唔少客人 Order 呢款咖哩海鮮治($68),所以我都試吓啦。唔好睇佢細細碟,其實甚有果味嘅咖哩海鮮都有唔少配料,包括大蝦丶魷魚同元貝等等,當然唔少得紅蘿蔔同薯仔,果然唔簡單!覺得兩塊熱辣辣嘅牛油多士都唔夠喉,因為真係太好味!如果可以加多一兩塊多士就好啦!

4536413

最後介紹嘅就係 123 豬手治($62),厚切軟熟牛油多士配煮到入哂味嘅豬手絲,份量十足,呢個配搭真係無得頂!加上旁邊有酸甜醃蘿蔔,如果你怕覺得油膩可以食啲醃菜,不過其實呢款美食都唔油膩,所以一試無妨。包販子當然有其他獨家美食,仲有每日唔同款式嘅「包販子是日福食」,保證有驚喜。快啲嚟太子嘅包販子嘆下獨家美食啦!

79863456

 

包販子

地址:太子通菜街 254 號地舖

日本食個拉麵都要搵命搏? めん馬鹿一代噴火拉麵

日本食個拉麵都要搵命搏? めん馬鹿一代噴火拉麵

去日本食拉麵明明係好正常嘅事,但如果要用條命去試,大家又肯唔肯呢?喺日本京都嘅 めん馬鹿一代,賣點就係會噴火嘅主打火焰蔥拉麵,唔好以為好似平時啲餐廳咁,因為呢個火嘅高度足足有一米咁高,又唔會火燭呢吓好嘢喎~

65341.3圖片來源:khiem.kim.ho.xuan@Instagram

咁大家又唔駛咁擔心,因為只要跟足老闆指示去做就完全冇問題,第一、請將杯子放到桌下;第二、從頭到尾都不要觸碰麵碗;第三、請勿任意離席或逃離座位;第四、請勿大聲尖叫或騷動。

8563746圖片來源:ruty25@Instagram

確認大家都清楚後,老闆就會放上一碗蔥拉麵,然後再請大家將雙手放喺背後,身體向後傾斜,然後做好心理準備~之後,熊熊大火就會喺你面前升起,足足燒到天花板咁高!同埋記得倒熱油嗰陣係唔可以影相㗎,想記低神聖嘅一刻就記住搵人幫你影喇!

97936.
圖片來源:jwanko1@Instagram

而且唔係淨係得噴火呢個賣點,拉麵本身都已經好有質素,上面灑咗京都九條蔥,經過火燒後,拉麵充滿濃濃嘅青蔥香氣,鍾意食蔥嘅朋友唔好錯過!

3.21354圖片來源:inexology@Instagram

 

めん馬鹿一代

地址:京都市上京区丸太町通智恵光院東入南側佐々木ビル1階

電話:075-812-5818

營業時間:12 pm – 2:30 pm、6 pm – 3 am(逢星期二休息)

【香港人主理】美國 PUFFLE CONE 玫瑰雪糕雞蛋仔 今期 IG 大熱!

【香港人主理】美國 PUFFLE CONE 玫瑰雪糕雞蛋仔 今期 IG 大熱!

提到香港最受歡迎嘅懷舊小食,點可以唔提雞蛋仔呀!圖中熟口熟面嘅雞蛋仔加上雪糕甜品,竟然唔係來自香港,而係來自美國?!

CauldronIC 1

CauldronIC 2

CauldronIC 3

位於美國 Santa Ana(聖塔安娜)嘅雪糕品牌 Cauldron Ice Cream,靠住超唯美嘅玫瑰雪糕外形,以及同港式雞蛋仔替代雪糕筒嘅獨特配搭,成為網上最 Hit 嘅雪糕店之一。

CauldronIC 4

CauldronIC 5

原來店主係香港人,成功將香港超受歡迎嘅雞蛋仔引入外國,再加上少女喜愛嘅玫瑰花雪糕,真係睇見都冧!除咗外觀創意攞滿分之外,其口感同味道都一樣受網民大讚,鬆軟嘅雞蛋仔同雪糕巧美妙融合,而且每月店內都會推出新口味,保證有新鮮感!

CauldronIC 6

夏天係蜜瓜盛產嘅季節,而店內今期亦推出蜜糖蜜瓜味嘅新口味,畀大家消消暑!

CauldronIC 7

呢款以太陽月亮星星( Sun,Moon & Stars )命名嘅 Puffle Cone,以宇宙星際作為靈感,淺藍色雪糕加上星星裝飾,更添夢幻感覺!其口味混合了烏龍茶、綠茶及茉莉花 3 種材料,最啱鍾意茶味嘅兄弟姐妹!

CauldronIC 8

朱古力味雞蛋仔再加上朱古力味雪糕,絕對係不死配搭!喺上面再加上外皮烤成焦黃色嘅棉花糖,趁棉花糖仲熱辣辣時候咬落去,口感綿柔 ,感覺好幸福啊!

CauldronIC 10

想食得冇咁 Heavy又簡單啲?冇問題,淨係要玫瑰花雪糕都不失為一個好選擇呀!

CauldronIC 11

 

Cauldron Ice Cream

電話:657-245-3442

地址:美國加州聖塔安娜麥克阿瑟大道 1421 號

元朗必試重慶美食!挑戰辣度品嚐地道特色麵食同小食!

元朗必試重慶美食!挑戰辣度品嚐地道特色麵食同小食!

鍾意食辣嘅你可以食到幾辣?雖然我食唔到辣,不過身邊都有唔少無辣不歡嘅朋友,見到新開嘅辣菜餐廳就一定要試。無論係挑戰自己定係想品嚐唔同餐廳嘅獨家調辣配方,呢間位於元朗嘅渝林庭就一定唔可以錯過,每日都好快賣哂,手快有手慢無!食厭咗重慶雞煲,又想試吓重慶地道麵食同小食?即刻睇落去啦!

123

456

嚟到渝林庭,無論你係無辣不歡定係好似我咁滴辣不沾,一樣可以滿足到你嘅願望,皆因你可以自行選擇辣度,要唔辣有唔辣,當然要幾辣亦有幾辣!既然講明係嚟試重慶小食,又點少得蒜泥白肉($32)?最後我揀咗最少辣,秘製醬汁夠哂濃味,配搭香滑豬肉片真係無得輸,而且醬汁最少辣亦都唔會食得辛苦,啱哂我呀!

798

除咗蒜泥白肉,仲揀咗口水雞麵($48)。雖然話係配麵,但係口水雞份量十足,加埋秘製醬汁真係夠哂獨家。除咗可選擇辣度,你仲可以揀要幾麻,想食到個口有麻痺嘅感覺?咁你就要落單時講明要幾麻!當然食辣嘅朋友就會揀辣湯,而唔食辣嘅朋友就可以揀豬骨湯,一樣咁美味!而且可以揀其他麵或飯,例如新鮮小麵丶重慶米線丶紅薯粉丶土豆粉同飯,款款都咁好味。

321

另一位無辣不歡嘅朋友就揀左人氣甚高嘅水煮魚麵($48),睇到咁紅嘅湯底,我見到都怕怕…不過相信各位愛辣嘅朋友見到就會覺得好興奮!渝林庭嘅獨家水煮魚麵係特意選用生魚,夠哂滑,麵同生魚都份量十足,真係夠哂抵食!不過渝林庭嘅辣度都並非普通貨色,各位小心愈食愈辣,大家記住量力而為啊!

9362

介紹咗幾款香辣菜式畀大家,係時候介紹返款畀同我一樣唔愛辣嘅麵食。呢款就係雞絲涼麵($42),唔好睇落好似細細碟咁,其實份量一啲都唔少。涼麵就啱哂大熱天時食,加埋獨家酸酸甜甜嘅醬汁,越食就越開胃,而且感覺涼爽,用嚟消滯就一流!入味嘅雞絲加埋香脆花生,口感其有層次。

123546

除咗我介紹呢幾款之外,渝林庭仲有其他地道重慶美食,例如酸菜魚麵($48)丶蘿蔔鴨肉湯麵($45)丶酸豆角肉沬麵($38)同豌豆肉碎炸醬麵($42)等等,當然仲有涼拌筍絲($28)丶北川涼粉($28)同麻辣豬耳($32)等等,價錢又親民,真係款款都咁吸引。仲唔快啲嚟渝林庭品嚐重慶美食?

 

渝林庭

地址:元朗馬田路 38 號怡豐花園 B 座地下 4 號舖

台北夏日新蒲點!COMMUNE A7 貨櫃市集化身城市沙灘 嘆盡 20 多款美食

台北夏日新蒲點!COMMUNE A7 貨櫃市集化身城市沙灘 嘆盡 20 多款美食

夏天嘅指定動作,梗係去沙灘玩啦!而台北鬧市中竟然都有沙灘?!即刻帶大家去睇睇啦!

COMMUNE A7_3圖片來源:bisweety@Instagram

位於台北信義區嘅人氣貨櫃市集「 COMMUNE A7 」,喺熱鬧嘅市集中推起沙灘,為都市叢林添上一份寫意夏日氣氛!客人可以盡情於沙灘堆沙、坐充氣水泡,又可以悠閒咁攤喺沙灘上,享受市集內 20 多種異國美食及美酒,輕鬆自在渡過週末。另外,場內仲有動態投影機,虛擬特效讓您仿如進入海灘之中!

COMMUNE A7_4圖片來源:官方網頁

COMMUNE A7_5圖片來源:官方網頁

自上年開幕嘅「 COMMUNE A7 」,以多個複合式貨櫃結合多達約 25 間商舖組成市集,集消閒、飲食、玩樂、藝術於一身,係鬧市中難得一見嘅社區空間。市集亦不時舉辦各式創意又好玩嘅活動,吸引唔少人參加,逐漸成為城市人同年輕遊客嘅新興蒲點。

COMMUNE A7_7圖片來源:官方網頁

市集掃街美食非常多選擇,囊括咗西班牙 Tapas、港式小吃、日式串燒、海鮮、美式漢堡、咖啡輕食等,夜晚可以同三五知己傾吓計、嘆杯酒,同一時間欣賞台北 101 同市中心內嘅迷人景致。

COMMUNE A7_2圖片來源:官方網頁

COMMUNE A7_8圖片來源:官方網頁

15圖片來源:kitty82810@Instagram

「 I LOVE BOW 」以製作香港傳統點心為主,而佢地嘅雞蛋仔日賣 700 底,深受食客歡迎!

COMMUNE A7_10 圖片來源:qiuqiu_777@Instagram

知名連鎖意大利餐廳「 Alleycat’s Pizza 」主打傳統手製窯烤 Pizza,其紅色貨櫃餐廳外觀更加係一大影相位!

COMMUNE A7_11圖片來源:AlleycatsPizza@Facebook

場內除咗餐廳,仲可以參觀型格單車舖「 Seic 單車工廠」,佢地嘅單車體積細小,而且車身輕巧,適合返工、返學或者平時代步之用,是非常方便嘅「城市車」。

COMMUNE A7_12圖片來源:seica7@Facebook

COMMUNE A7_13圖片來源:seica7@Facebook

如果您都鍾意行街買嘢食嘢,嚟到台北就一定要去 COMMUNE A7 貨櫃市集喇!

COMMUNE A7_14圖片來源:官方網頁

 

COMMUNE A7

地址:台北市信義區松壽路 3 號

營業時間:星期一至四 11:30 am – 11 pm、星期五 11:30 am – 1 am、星期六 11:30 am – 1 am、星期日 11 am – 11 pm

交通:捷運「台北 101 / 世貿站」4 號出口步行5 分鐘,或捷運市政府站 2 號出口步行 8 分鐘

官方網頁:http://www.communea7.com/

 

上環獨家美食!抵食價錢嘆大廚出品特色自家製熱狗!

上環獨家美食!抵食價錢嘆大廚出品特色自家製熱狗!

平日諗起 Lunch 食咩就覺得好苦惱,畢竟係港島地區,上環用餐可能會比較貴。點知就畀我搵到呢間由大廚主理嘅特色熱狗小店,而且價錢又唔算太貴,熱狗款式又特別,全部都係由老闆同 Partner 花盡心思諗過度過,經過不斷配搭而成,絕對唔係坊間其他熱狗店單憑材料夠多取勝,而且味道又唔夾,嚟到呢間小店絕對可以品嚐心思之作。

45345

469436

今次介紹嘅就係上環嘅 NOODLE AND DOG間專賣麵同熱狗嘅小店,位置雖然唔係旺區,不過唔算難搵。店內有二至四個位,有唔少打工仔都會買返公司做 Lunch。NOODLE AND DOG 會定期推出唔同款式嘅熱狗,價錢大約係$38至$55,仲會附送紙包飲品,呢個價錢喺上環嚟講真係唔算太貴。除咗熱狗,仲有自由搭配嘅麵食,配料選擇甚多。不過今次就先試食熱狗,一齊嚟睇吓到底有幾特別!

78963

9853

今次我就試咗台南擔仔麵熱狗($45)同日式照燒狗($45),單係賣相已經好吸引,就連平日唔係特別鍾意食熱狗嘅我都好心動。老闆細心講解點樣配搭每款熱狗口味,就好似自家製嘅梅菜豬肉腸同欖豉辣椒豬肉腸,選用甜梅菜定鹹梅菜都考慮咗好耐,甚有心思,而且盡量選用本地食材。呢兩款腸都係以自家食譜搵工廠特製,冇化學添加物,夠哂安全。老闆特意選用台南擔仔麵,雖然呢款熱狗現時 Menu 上冇咗,不過如果你想食都可以同老闆講,為你度身訂造。

789634

擔仔麵上面灑上香脆嘅果仁,加埋蛋味香濃嘅擔仔麵配搭芝麻醬,底下仲有新鮮沙律菜同自家製梅菜豬肉腸,味道好 Fresh,有別於一般熱狗。

63546

另一款日式照燒狗就有日式醬汁煮洋蔥灑上千島醬,底下同樣有新鮮沙律菜同自家製梅菜豬肉腸。如果你鍾意食辣,可以揀欖豉辣椒豬肉腸。

32543

老闆話好多熱狗舖都會選用較便宜嘅嘉頓麵包,不過 NOODLE AND DOG 選用手製天然竹炭包,夠哂特別。咁有心思嘅熱狗舖又點可以唔支持?快啲嚟上環同銅鑼灣試吓咁特別嘅熱狗啦!

 

NOODLE AND DOG

地址:上環皇后大道中 237B 號/銅鑼灣軒尼詩道 500 號希慎廣場 11 樓 1111 號舖

旺角必試日系雪糕!i CREMERiA Café 限定薰衣草雪糕!

旺角必試日系雪糕!i CREMERiA Café 限定薰衣草雪糕!

夏日炎炎,要解暑除咗飲杯凍野,當然唔少得食雪糕啦!身為雪糕控嘅我今次終於搵到新口味雪糕俾大家,而且仲係期間限定;今次唔試,唔知下次仲有冇得食。自問嚐盡無數雪糕嘅我都決定嚟試一試到底係何方神聖?就等我立即為大家揭曉!

5434356

嚟到朗豪坊,位於 4 樓嘅 i CREMERiA Café 因為先前推出咗以半個蜜瓜盛載雪糕聞名,加上金箔雪糕都十分吸晴。今次我介紹嘅雪糕就係嚟自 i CREMERiA Café,不過呢款雪糕係期間限定。想食呢款雪糕嘅你就唔好走寶啊!

4564336

出場啦!就係呢款期間限定嘅薰衣草雪糕($48),淡紫色雪糕伴一小枝薰衣草,單係造型已經夠哂少女風。雖然聞落冇咩特別香味,不過一食就即刻有陣陣花香味,自問鍾意薰衣草香味嘅你一定會愛上。越食就越濃味,雖然話花香味濃,不過食落又唔覺得似化學香精味,所以味道都容易接受。既然係期間限定雪糕口味,我都覺得一試無妨,話唔定下次去可能已經賣完。想食就要把握時機啦!

9879638

 

i CREMERiA Café

地址:旺角亞皆老街 8 號朗豪坊 4 樓 13 號舖

營業時間:10 am – 11 pm

屏山隱世必試美食!足料蝦堡牛角包 當然唔少得六重芝士肉餅飯!

cover photo new4

元朗多好嘢食越嚟越多人知,每逢週末或者假日就會人山人海,就算住港島嘅朋友都要特登入嚟試下。不過今次我就唔係介紹元朗美食,而係鄰近元朗嘅屏山!嚟到屏山到底有咩必試美食?就係屏山獨家肉餅喇!想知道呢啲肉餅有幾特別?繼續睇落去啦!

365436

除咗華嫂冰室,我嚟到屏山另一個最愛美食就係「屏山老地方」嘅獨家特色肉餅啦。邊個話肉餅係老餅先啱食?有冇諗過原來肉餅都可以好新潮先?「屏山老地方」有超過 40 款肉餅口味,每日都會推出不同口味嘅重點推介。除咗肉餅之外,仲推出各款特色小食同麵包,真係揀到花多眼亂。講到肉餅,我最愛就係芒果肉餅($58),可惜店員話因為當日芒果唔夠靚,所以就寧缺莫濫,當日暫停供應。不過另一款獨家肉餅就有得食,我一場嚟到又點會錯過呢個機會呢?今次我就試咗呢啲美食啦!

4365

首先出場嘅就係蝦堡牛角包($35),由於即叫即製嘅關係,一拎出嚟就感覺到佢熱辣辣,夠哂新鮮。而且仲預先切好咗,同人 Share 就唔駛怕要自己搣咁狼狽。餡料方面當然唔少得超足料嘅蝦堡,仲有新鮮沙律菜同蕃茄配沙律醬。一咬落去,先係啖啖肉嘅蝦堡,仲有夠哂 Fresh 嘅爽脆沙律菜同蕃茄,加埋沙律醬都唔會覺得油膩,真係冇得輸。鬆軟嘅牛角包都係功不可沒,比起一般連鎖店嘅漢堡包口感的確好好多!除咗肉餅飯,我自己都好鍾意呢款蝦堡牛角包!

4536

45364

終於嚟到重頭戲啦,呢款就係獨家特色肉餅六重芝士肉餅飯($60)!除咗肉餅上面有芝士,就連肉餅之間都有芝士,絕對能滿足一眾芝士迷嘅願望。肉餅亦係即叫即製,所以都係熱辣辣。而且肉餅份量十足,絕對唔係坊間普通肉餅。啖啖肉加埋六重芝士,唔講仲以為自己食緊漢堡添呀!中式肉餅加埋西式芝士,再配合絲苗白飯,食落都唔會覺得滯,就算女仔都可以大膽一試。畢竟貴為招牌款式,試問又點係普通貨色?

9356 

78936

最後就係我今次第一次試嘅魚香茄子絲煎肉餅飯($43),原來魚香茄子同肉餅都可以 Crossover 㗎!唔好睇佢好似平平無奇咁,其實肉餅有好多茄子絲,而且食落去有陣陣嘅魚香味,仲有微微辣味,真係好似食緊魚香茄子咁。當然就唔少得有鹹魚,由於本身肉餅已經有調味,所以加埋比較濃味嘅魚香茄子就要適當咁調較咸味,如果唔係就會太咸。餐廳仲有超過 40 款肉餅款式,加埋每日唔同款式推介,真係揀食邊款肉餅都有排揀呀。除咗我揀嘅美食之外,餐廳仲有其他特色粉麵同埋小食,真係食幾多次都試唔哂!我係你哋就快啲約埋班「FD 子」嚟食肉餅飯啦!

3213

534

 

屏山老地方

地址:元朗屏山塘坊村 32-33 號地下

電話號碼:23043288

台中隱秘餐廳?!水管屋內 High Tea 寫意到不得了!

cover photo new2

設計有趣嘅餐廳,往往都令人眼前一亮!呢間位於台灣彰化縣花壇鄉嘅咖啡廳,以獨特嘅空心水泥管改造為餐廳包廂,客人坐喺水管屋入面 High Tea,呢鋪真係既有趣又寫意!

Pipe rest 1圖片來源:ooscarlett@Instagram

餐廳地點位於小鄉村內,雖然位置隱秘,但正因為咁多咗份悠閒嘅感覺!主餐廳黑色牆身,襯托住水泥灰色嘅水管屋,盡顯工業風,無論遠睇抑或近睇,日間定夜晚,設計都不失型格,吸引唔少食客嚟影相!

Pipe rest 4圖片來源:sheiiyhappyu8u8@Instagram

Pipe rest 5圖片來源:shelly_0518@Instagram

Pipe rest 6圖片來源:官方 Facebook

餐廳入口都唔容易搵,原來就係穿過其中一個水管嘅木門之內,非常隱秘!

Pipe rest 7圖片來源:happyjen88@Instagram

水管屋內設計簡約,放住一張大長枱同長椅,外部加設圓形玻璃,陽光引入室內,坐喺裡面絕對冇焗促感覺,而且水管屋內可以自成一角,私隱度大增,無論同朋友食飯,定係同情人撐枱腳,都係非常合適嘅地方!

Pipe rest 8圖片來源:samson7479@Instagram

Pipe rest 9圖片來源:pandaren

@Instagram

除咗主餐廳外,對出嘅草地上都有水管屋分散喺唔同角落,水管屋仲油上唔同顏色,各位靚女又多一個影相位置啦!

Pipe rest 10圖片來源:yapiing_@Instagram

呢度嘅食物亦都相當配合餐廳嘅郊外環境,菜式都好清新,例如青醬海鮮大蝦意粉、青醬野菇 Pizza、忌廉松露野菇燉飯等,同三五知己或者身邊嘅愛人,一齊嘆返個田園下午茶就最適合不過!

Pipe rest 12圖片來源:官方 Facebook

 

「別有洞天」水管屋餐廳

地址:彰化縣花壇鄉花橋街 25 -16 號

電話:+886 04-7874518

營業時間:11 am – 9:30 pm(星期二至日)(逢星期一休息)

Facebook:https://www.facebook.com/bravo8522/