黃大仙隱世甜品小店 必食有仙氣又足料嘅甜品

15

講起黃大仙,每次諗住嘅都係求籤,但原來家陣嘅黃大仙,都有超吸引嘅甜品㗎!由黃大仙地鐵站開始行,雖然要行足十分鐘先到嘅想甜嚐甜,連平日都係咁多人排隊,就知佢呢期有幾咁受歡迎啦!啲甜品仲要設計得超有美感,價錢又唔貴,想平平哋食餐好嘢,就千祈唔好錯過!

1

2

3

 

紫心甜薯心太軟 配乳酪雪糕($48)

紫薯食得多,但紫薯心太軟就真係第一次食!挖開個心太軟,又唔算係爆漿爆得好誇張,而係好似流心咁流出嚟,除咗出面放咗紫薯之外,原來入面都有紫薯蓉㗎,煮得非常軟熟,食落同心太軟非常之夾!

4

而個乳酪雪糕係倒轉咁放,上面有個小小嘅雪糕筒,唔似平時食甜品只得一球雪糕上碟。而呢個乳酪雪糕係酸酸甜甜,可以中和返紫薯嘅甜味,食落冇咁濟口,掂呀!

6

6

 

荔枝玫瑰 花之水滴 配乳酪雪糕 ($56)

呢個一送到上枱,真係靚到忍唔住嘩一聲!圓圓嘅大碟中間放咗一球透明嘅水玄信餅,仔細一睇,入面仲有超可愛嘅粉紅色花呀!嗚呀,真係忍唔住搖咗佢幾吓,震吓震吓好過癮呀喂!

9

10

隻碟本身都設計得好靚,就好似一幅藝術畫咁,上面放咗玫瑰花、花瓣、餅乾碎、荔枝、果醬等,水玄信餅本身有淡淡嘅香味,連埋碟上嘅配料一齊食,酸酸甜甜,玫瑰香氣亦都好出,絕對值得推介畀大家!

12

 

想甜嚐甜

地址:黃大仙蒲崗村道 73 號富佑大廈地舖

電話:3956 4744

營業時間:1 pm – 12:15 mn(星期一至日)

LOLLY