超足料菠蘿包夾巨型魷魚?!元朗小店破格玩創新

超足料菠蘿包夾巨型魷魚?!元朗小店破格玩創新 — 富記菠蘿堡專門店

菠蘿包冇菠蘿?錯!菠蘿包唔單止有菠蘿,仲有豬、牛、雞、魚添,究竟講緊乜嘢呀?!元朗有間小店以菠蘿包做主打,推出超過十九款嘅新款菠蘿包,好似雙重豬柳菠蘿堡、吞拿魚沙律菠蘿堡、忌廉蟹肉餅菠蘿堡等等,估唔到菠蘿包都有咁多種玩法!

DSCF0487

 

黃金招財菠蘿堡($30)

老闆推介呢款人氣菠蘿堡,淨係聽個名係咪估唔到個餡係咩呢?原來係巨型炸魷魚!魷魚爽口彈牙,粉漿上得薄,炸得好酥脆,面頭灑上香草同淮鹽,非常惹味。每款嘅菠蘿堡都有一塊輕輕煎過嘅菠蘿片,味道清甜又解膩。

DSCF0505

話明係「菠蘿堡專門店」,點少得主角菠蘿包?表層嘅菠蘿皮又甜又脆,麵包亦好鬆軟,連埋生菜、菠蘿片、炸魷魚同沙律醬一齊食,口感超豐富!咁足料,唔怪得叫「菠蘿堡」啦!

IMG_2300

DSCF0526

 

吉列魚柳菠蘿堡($35)

魚柳漢堡包就食得多,魚柳菠蘿包你又食過未?呢款亦係招牌之一,大大塊嘅吉列魚柳炸得好脆好香口,肉質夠實唔鬆散。老闆話醃製食物嘅時候唔會落味精,主要用白酒同其他調味料,佢希望客人可以食得健康啲。香口嘅魚柳連埋甜甜地嘅菠蘿包同菠蘿片一齊食,一甜一咸味道非常夾。

DSCF0497

將香港嘅美食之一菠蘿包,打造成咁多款破格又有創意嘅菠蘿堡,咁有諗頭,你哋仲唔快啲約埋班朋友一齊嚟試哂咁多款味道?

 

富記菠蘿堡專門店

地址:元朗鳳攸南街 9 號好順利大廈 1 座地下 1 號 C-D 號舖

電話:6114 9966

分享此文:
LOLLY