葵廣平民界美食天堂!$28蚊大大份足料芒果糯米飯

葵廣平民界美食天堂!$28蚊大大份足料芒果糯米飯

去到葵青區要搵好嘢食,唔駛講咁多第一個諗到嘅地方一定係葵涌廣場!葵廣就係平民嘅美食天堂,室內版掃街,由海膽手卷、手撕雞、撈面到和牛,你諗到嘅佢九成都有,而最近最熱門、洗版洗得最強勁嘅,就一定係喺地下嘅「泰風 SO 」!

1

泰風 SO 開咗並唔係好耐,但每次去到都已經大排長龍,就知道佢有幾吸引啦!招牌菜「芒果糯米飯」一份$28蚊,係$28蚊呀!睇價錢又真係幾平喎,會唔會將貨就價,就要睇實物,一於試試佢先知!

3

2

一拎上手,芒果糯米飯仲係暖笠笠,一大球白糯米,一大球黑糯米,仲有兩層芒果,睇落夠晒足料!放入口,香噴噴嘅糯米喺椰汁嘅調味之下更加甜蜜,糯米煮得非常軟熟,同時又保留糯米應有嘅香氣,食落即刻有種好幸福嘅感覺呀救命!

4

5

6

芒果份量都夠晒多,肉眼睇有成整整兩層,切得大小剛好一啖就可以 KO 一件,而芒果本身都屬於偏甜嘅,擺入口一啲都唔會覺得酸,不過食完上一層先發現,原來下層係芒果核,雖然一開始有少少失望,不過計計下,又真係啱啱好有成隻芒果喺度㗎啦,加上只係要$28蚊,真係抵到喊呀喂!!

7

8

9

10

 

泰風 SO

地址:葵芳葵富路7號葵涌廣場地下 A76B 號舖

電話:5628 2028

營業時間:1 pm – 9:30 pm(星期二至日)/ 逢星期一休息

LOLLY