旺角長過前臂嘅窩夫!有鹹有甜 口味多變 王牌推介特濃紫薯

旺角長過前臂嘅窩夫!有鹹有甜 口味多變 王牌推介特濃紫薯 — Nun Asia HK

一講到窩夫,大家都會諗到圓形嘅窩夫,但係你哋有冇諗過原來窩夫都可以係長條形嘅呢,而且分分鐘仲長過你前臂添呀!講緊嘅係位於旺角中心嘅 Nun Asia Hk,佢嘅窩夫口味非常多,除咗有王牌紫薯之外仲有黑松露碎蛋吞拿魚粟米等等,非常多選擇。

1

2

全條塔塔醬雞窩夫($48)

首先就試吓鹹味先,揀咗超級惹味嘅塔塔醬雞窩夫,鬆軟嘅窩夫上鋪左一層清新嘅沙津菜,而雞粒就炸得好香好惹味,而且仲熱辣辣㗎,而面層嘅芝士醬同埋沙律醬,撈埋一齊真係好好食!

4

5

6

 

半條紫薯窩夫($32)

食完甜嘅就梗係想試吓鹹㗎啦,半條紫薯窩夫超級足料,窩夫上面一層忌廉,再加一層非常多嘅紫薯,除咗賣相吸引,食落仲好 Creamy 添!加上窩夫暖暖哋,而紫薯忌廉就凍冰冰好似雪糕咁,食落有種冷熱交融嘅感覺,正呀喂!

7

 

轉套餐(+$8)

如果食落仲係覺得唔夠飽嘅話,就可以加$8轉套餐。套餐係好多小食揀,例如薯條、紫薯餅、魚餅等等,嘢飲就有好多唔同口味嘅梳打揀,食落就唔怕濟可以解下渴啦是咪先!

 

Nun Asia

地址:旺角彌敦道 688 號旺角中心 1 樓 F84 號舖

營業時間:12nn – 10 pm(星期一至日)

分享此文:
LOLLY