打卡自拍必去!充滿住草地野餐感覺嘅「青草」Cafe

cover photo new

四月儲儲埋埋都有好多紅日假呀,冇錢去旅行不如一齊去靚靚 Cafe 享受吓野餐嘅感覺啦!位於尖沙咀開業冇耐嘅 Cafe — Grassman,憑著超 Relax 嘅環境吸引咗好多鍾意打卡自拍又想放輕一吓心情嘅人。你除咗可以坐喺枱之外,仲可以選擇坐喺一間間好似小木屋嘅地下到,就好似去咗草地野餐咁,超正呀!

2

 

爆脆草地滾球($88)

呢個就係 Grassman 嘅招牌作,幾乎每個嚟到嘅客人都會點㗎,一送到就立即忍唔住手機食先,圓碌碌嘅大大朱古力球,上面放咗一隻可愛嘅小蝴蝶,仲附放咗個小木槌,原來係要自己敲㗎,食得又玩得,夠新鮮呀吓!

3

敲開之後,發現入面都幾多嘢食,除咗收埋咗另一隻蝴蝶,仲有細細粒但酒味超濃嘅甜酒啫喱、綠茶金寶、朱古力脆米,同埋一球濃郁嘅芝士蛋糕雪糕,食食吓發現,原來仲有爆炸糖㗎!而外面嗰球朱古力球絕對唔係坊間嗰啲好睇唔好食,呢個偏苦嘅朱古力球,加埋雪糕食真係啱啱好!

5

7

 

日本柚子窩夫($72)

賣相睇落去雖然冇帶畀人好驚艷嘅感覺,但食落反而覺得好好食!窩夫一向都比較多朱古力同士多啤梨之類嘅味,老實講食食吓好易濟,第一次食柚子味,原來可以好清新㗎,呢個窩夫絕對畀到驚喜大家呀!

8

而窩夫的確做到外脆內軟,少少雪糕、少少忌廉,再加埋柚子醬配上窩夫一齊食,真係超正!當中嘅配料竟然仲有杏仁脆脆,呢個先係最好食,絕對會食到忍唔住一啖接一啖!

9

 

草民 Grassman

 地址:尖沙咀厚福街 12 – 12A 號藍馬商業大廈 9 樓

電話:6693 2896

營業時間:12 pm – 10:30pm(星期二至日)/ 逢星期一休息

LOLLY