唔該要個森林雪糕雞蛋仔!元朗新潮熱門爆餡雞蛋仔、格仔餅 百分百真材實料!

唔該要個森林雪糕雞蛋仔!元朗新潮熱門爆餡雞蛋仔、格仔餅 百分百真材實料!

元朗,係香港出名多好嘢食嘅地方,嚟到元朗掃街,家陣就要食埋雞蛋仔喇!唔好睇落只係賣吓雞蛋仔同格仔餅,呢間小店勝在多口味揀,用料又實在,價錢仲要唔係好貴,食過就知佢點解咁出名又咁多人排隊喇!

4354356

365849368

 

森林雪糕雞蛋仔($38)

雞蛋仔本身都已經好重朱古力味㗎喇,再睇住店員放咗一大球好似拳頭咁大嘅 Dreyer’s 朱古力雪糕同灑上朱古力粒,最後落埋好多好多嘅朱古力醬,嘩!三重朱古力一嘢放落口,所有嘢夾埋將極濃郁嘅朱古力味大解放!雞蛋仔食落好煙韌,絕對唔係空心㗎,一拎起嗰下仲會冒煙,連埋雪糕一齊食,一凍一暖,唔爽就奇!

54633

 

宇治金時格仔餅($25)

呢份格仔餅一拎上手就感覺到份量十足,點解?因為入面啲紅豆多到湧出嚟咁款!格仔餅有淡淡嘅抹茶味,由於個餅偏紮實嘅關係,食到一半已經有啲飽,各位如果想試多幾款嘅話一定要搵多個戰友陪同。而最驚喜嘅當然係紅豆啦,除咗份量多,食落真係有豆香味嗰吓先過癮呀嘛,並非一味得個甜字,絕對係百分百真材實料!

7863564

5463364

 

森 Sumore

地址:元朗又新街 38 號恆富大廈地下 11C 號舖

電話號碼:5502 0802

營業時間:12 nn – 11 pm(星期一至日)

LOLLY

發表迴響

你的電子郵件位址並不會被公開。 必要欄位標記為 *