參觀新 Instagram Office 如同置身於 Instagram 虛擬世界當中。

1-cover-1

唔經唔覺,Instagram 已經踏入咗第 6 個年頭,相信大部份年青人嘅 Smart Phone 入面都幾肯定會有呢個 App。Instagram 大家就日用夜用喇,唔知佢真實嘅辦公室各位又有冇興趣睇吓呢?

為咗慶祝公司成立 6 周年,Instagram 創意總監 — Ian Spalter 就同一間建築公司 Gensler 合作設計新辦公室。而設計概念本身係希望新辦公室能夠完全反映到呢個 App 嘅本質,簡單啲講,就係想畀員工行到入新辦公室就如同置身於 Instagram 一樣,呢啲咪就係創意囉。

 

公司大堂

嚟到新 Office 嘅大堂,我哋見到牆身只係用好簡單嘅白色做底,而牆上一格格嘅數碼顯示屏同時播放好多唔同嘅相片,成個感覺就好似碌緊 Instagram 咁,當然唔少得嘅係新設計嘅 Logo 啦,雖然都只係用好簡單嘅白色,但低調得嚟又夠晒代表性。

ig1

The front lobby at Instagram headquarters features streaming visual content in Menlo Park, Calif., on Tuesday, Oct. 4, 2016. As Instagram continues to expand, some areas in their new headquarters reflects some of their unique workplace culture. (Gary Reyes/Bay Area News Group)

 

Instagram 大型佈景版

行過大樓 1 樓用膳地方會見到多個立體場景,呢啲場景都係由著名荷里活佈景設計師所設計,無論係公司職員抑或訪容相信都會喺度瘋狂影相呀。

ig2

 

簡約風格會議室

大家見到會議室同樣用咗好低調而簡約嘅純白色調,唔好以為牆身只係純白色咁簡單,牆上其實掛住多塊泡沫板,方便團隊將佢哋嘅 Idea 寫喺上面,而點解咁大間會議室只係得兩張高枱同少數高凳,原因在於希望能夠鼓勵團隊多啲喺呢個空間入面走動,而且多參與討論。

ig3

 

自助式廚房

呢個空間採用多咗唔同嘅木材去建造,所有員工都可以喺度享受咖啡、餅乾等小食。呢度工作嘅人會遇到好多唔同嘅同事,設計亦希望能夠提升員工與員工之間多啲互動。

ig4

 

寧靜、開放式區域

雖然 Instagram 公司希望員工多互動、多溝通,但如果工作嘅時候需要一個寧靜嘅環境,呢度絕對係最佳選擇。

ig5

 

Blue Bottle

有「咖啡界 Apple 」之稱嘅 Blue Bottle 其實係一間美國著名咖啡連鎖公司,當員工見到牆上呢個藍色水樽嘅 Logo,就知道係時候歎返杯咖啡鬆一鬆先喇。

ig6


即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!


Photo:DAN、Mercurynews、WIRED

分享此文:
LOLLY

發表迴響

你的電子郵件位址並不會被公開。 必要欄位標記為 *