【 Life Hack 】如何避開過量的垃圾資訊

【 Life Hack 】如何避開過量的垃圾資訊 cover

Life Hack 最初係 Programmer 指用唔同嘅方法減低面對過量嘅資訊。後尾先引申去到講生活環境中嘅一啲小方法去生活輕鬆啲。
宜家我地每天都面對近乎無限嘅資訊,我地嘅手機,電腦上面每一秒都有唔同嘅資訊流過。但係有人統計過,當中超過八成資訊,都係一啲你唔想,或唔必要接收嘅資訊。
每日淨係過濾呢啲垃圾訊息就已經可以令我地疲於奔命。咁我地到底有咩辦法去解決呢個問題呢?

所以今日柳臣回歸 Life Hack 最開初嘅意義,教大家兩個方法,去減低接收無聊嘅資訊。
呢兩個方法講出黎簡單,但要做到卻唔容易。

1)Quit Group
Line 又好、Whatapp 又好、Facebook 群組又好、甚至只係手機入面嘅聯絡人都好。
有幾多你已經三個月冇搵過佢?有幾多你已經 Mute 咗一年?有幾多沉底 Group 每次彈出嚟都係叫你 Like 乜 Share 乜呢?
信我啦!你一世都唔會用得著呢啲 Group。甚至講白啲,你一世都唔會再睇嗰啲群組㗎喇。
而社交網絡就係一個好依賴朋友分享嘅資訊,去決定你接收咩資訊嘅地方。
所有冇用嘅 Group 自然會令你睇到更多冇意義嘅垃圾資訊,既然係咁,點解唔乾脆 Quit Group 呢?

2)Hide user
第二個方法更絕。直接 Block User。你根本唔睇貓狗片嘅,但佢最鐘意 Share 啲貓狗片嘅。Bye!Hide All!
呢個同你同佢係咪朋友冇關係,只係令你減少過量嘅資訊。如果唔係你整個版面都係一啲你唔感興趣嘅資訊。
只會令你冇辦法每日有效咁接收到啲有用嘅資訊。

分享此文:
LOLLY

發表迴響

你的電子郵件位址並不會被公開。 必要欄位標記為 *