【食評】至抵韓燒放題?!晚市低至$160試晒韓、泰、日料理

cover photo new 2

家陣食韓燒放題,平平哋都要$200—$300 蚊,想再高質少少?起碼都要$300—$400蚊啦,而且食物種類一般都會比較少,好易食厭!想一次過試晒多國料理,又唔想荷包咁肉赤?千祈唔好錯過位於旺角嘅東大門料理啦,本身晚市連加一有兩場都係$180以內任食,就算繁忙時段都係$200內,加上現時晚市時段仲有95折優惠,計返都係$160蚊內任你食,其實都真係非常抵!

1

2

未開始燒肉之前,侍應就會先送上一碟海鮮,每枱都會按人頭送,每人一隻大蝦、一隻元貝,同埋少少蜆,隻蝦燒一燒食落都相當新鮮,而元貝仲已經搽晒蒜蓉,食落香口到不得了!

3

4

5

燒肉嚟講,質素都算相當唔錯,必點嘅係五花腩,直接原條上畀你,夠晒睇頭!而且睇落食落都好新鮮,肥肉同瘦肉嘅比例啱啱好,燒好之後再剪成一塊塊,一個字,掂!另外必點嘅仲有大大隻嘅泰式香茅雞翼,醃過嘅雞翼相當入味,燒完都仲係咁嫩滑,好正呀!如果你係食肉獸,呢度真係絕對滿足到你!

6

7

8

9

食得太多肉有啲厭?係時候食吓刺身同壽司中和返喇喂!呢度除咗韓國美食之外,仲有新鮮嘅三文魚刺身,最好嘅地方係每次去拎三文魚都會畀一大碟你,唔會得嗰兩三片,到喉唔到肺。而且食落都好肥美,不錯!而壽司嘅種類都唔少㗎,除咗北寄貝、加州卷,仲有腐片同蝦等等,咁多款又點會食得厭!

11

12

13

冷盤方面亦都超多選擇,首推泰式鳳爪,食落酸酸辣辣好開胃,而韓式泡菜、酸蘿蔔、醃薯仔等都好有韓國嘅味道。如果想飲番兩啖湯的話,選擇都有好多,泰式嘅冬蔭功、韓式嘅人蔘雞湯,又或者係蘿蔔湯,第一次見韓燒放題連湯都有咁多種,咁多選擇都咪話唔誇張!

14

16

15

食飽飽,最後就梗係要食吓水果同甜品,西瓜、火龍果、橙,全部切到大大舊放喺度任食,仲有好多泰式甜品任你揀,認真推介芒果糯米飯,一份一啖,超好食!

17

18

 

東大門韓國料理

電話號碼:2398 3777 / 2396 7757

地址:旺角西洋菜南街 51 號友誠商業中心 5 樓

營業時間:11 am – 12 mn(逢星期一至日)

LOLLY