【總需要勇敢生存】失去雙肢嘅狗狗兩度畀人棄養依然勇敢面對呢個世界!

1-cover

日本有隻小柴犬上年十二月就畀人喺一啲河堤度發現,今年二月透過動物愛護團體嘅協助成功再次畀人收養,本來諗住可以過返啲好好生活啦,但誓估唔到小柴犬嘅命運坎坷成咁。小柴犬喺今年四月好不幸遇上車禍,傷勢仲要好嚴重,加上嗰日係星期六嘅關係,即使係收容所都冇人幫到小柴犬,最陰公嘅係…聯絡唔到狗仔嘅主人。後來警方雖然搵到狗仔嘅主人究竟係邊個,但就話冇能力負擔咁貴嘅醫藥費,最後選擇棄養…

screenshot_20161008163529

(小柴犬出事之前好得意、好健康架!)

獸醫就話喇:「小柴犬狀態唔好,即使做咗手術到頭嚟過嘅生活都唔會好,不如選擇畀狗仔安樂死啦!」再加上手術費太貴嘅關係,即使係動物愛護團體都有分歧。好好彩最後都達成共識,等小柴犬可以接受手術!正因為小柴犬嘅傷口腐爛,成個手術要切除佢嘅雙肢同尾巴。

screenshot_20161008163442

令人興奮嘅係,小柴犬做完手術之後復原情況非常良好,一個半月之後已經識得借助輪騎行路,繼續同其他狗仔一齊玩,不得不佩服勇敢生存落嚟嘅小柴犬呀喂!

668759-xxl

睇完小柴犬嘅經歷真係覺得好感人,見住佢無放棄自己嗰種精神,我都要跟佢學吓嘢,唔好放棄自己個人生至得…如果留喺香港我仲有人生嘅話…ha…haha…hahaha…(在此苦笑一個鐘。)


即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!


Photo:Livedoornews

LOLLY

發表迴響

你的電子郵件位址並不會被公開。 必要欄位標記為 *