【真.傑青】九歲囡唔單止戰勝病魔,好返仲可以跳到出色嘅芭蕾舞!

1-cover

近日公佈咗傑青嘅出爐名單,有位年輕人可以27歲成功上到車,兩年後供斷,的確係一個叻女,但係…咁樣同傑青又有乜關係呢?傑青,本身就應該係一個對社會有正面影響力嘅人。計我話,嚟緊呢位小妹妹,更加值得尊重囉!


 

呢個來自美國嘅小妹妹—Gabi Shull,佢9歲嗰陣因為患上惡性骨肉瘤導致要切除佢右腳嘅膝頭,雖然係咁,但呢件事完全冇減少佢對跳舞嘅熱誠。

amputee-ballerina-gabi-shull-6

 

Gabi係因為有次溜冰整傷之後睇醫生,照完X光就發現咗自己患上惡性骨肉瘤,本來都以為呢個女仔從此就行唔到路,對一個成年人嚟講係超級大嘅打擊,何況仲要係小朋友?不過,當佢接受咗呢個手術之後,未來立即充滿希望,究竟呢個手術用咗乜技術呢?

amputee-ballerina-gabi-shull-2

amputee-ballerina-gabi-shull-10

 

嗱~點都要介紹吓嘅,個手術名叫Rotationplasty!(Sor9ry呀…我真係唔知中文應該譯乜…),就係將Gaby嘅膝頭部份切除之後腳踝至腳掌部份180度前後調轉再喺大脾位置接合,最後裝上義肢去逐步恢復病人嘅活動能力。因為呢個手術,令Gabi繼續可以跳舞!

amputee-ballerina-gabi-shull-1

amputee-ballerina-gabi-shull-11

 

時間無多,小弟立即交個舞台畀Gaby講吓自己嘅經歷啦!

 

細細個已經要因為癌症而截肢,但佢並冇因為咁樣而放棄自己,反而好積極咁面對人生同時經歷各種挑戰,直到家陣15歲仲跳到出色嘅芭蕾舞,鼓勵其他人又帶到正能量畀大家,咁唔係更加傑出咩?佢喺小弟心目中已經係一位真.傑青喇!

即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!

 

 

 

Source

LOLLY

發表迴響

你的電子郵件位址並不會被公開。 必要欄位標記為 *