喺香港生活咁大壓力，有機會去度假又點可以錯過呢？最近旅遊雜誌《Condé Nast Traveler》公佈咗2016年 Readers’ Choice Awards，由超過 30 萬位《Condé Nast Traveler》讀者民選出以下呢 20 個地方，咁今日就等我同大家介紹吓世界最好嘅「避世天堂」究竟喺邊度！
20. 聖露西亞（St. Lucia）
一個位於東加勒比海鄰近大西洋嘅小島國，而且仲係一個火山島，總人口都只係 18 萬左右。雖然呢個小島國生活水平偏低，但就擁有好多好靚嘅海灘，係唔少遊客鍾意嚟度假嘅勝地。
19. 聖約翰島（St. John, USVI）
一個屬於美國，位於加勒比海嘅小島，總人口為 4000 左右。島上面嘅沿海地區亦有好多好靚嘅海灣，加上一個飛機場都冇嘅關係，所以係十分之寧靜嘅地方。
18. 英屬維京群島（British Virgin Islands）
同樣位於加勒比海地區，由托土拉島、維京戈達島、阿內加達島同約斯特范代克島，加上 50 幾個島仔同岩礁組成。
17. 聖托里尼（Santorini, Greece）
呢個位於希臘嘅小島大家都唔陌生，佢亦都係全世界公認十大欣賞最靚日落嘅景點之一，藍藍白白嘅建築相信係呢個小島最大嘅特色之一。
16. 伊維薩島（Lbiza, Spain）
位於地中海西部，屬於西班牙巴利阿里群島嘅一部份。呢度有好靚嘅日落，有沙灘又有海，加埋大量酒吧，簡直係大部份歐洲人最愛嘅地方。I Took A Pill In Lbiza，呢首歌應該聽過喇掛？
15. 大溪地（Tahiti, French Polynesia）
位於法屬玻里尼西亞，亦都係非常出名嘅旅遊勝地，有陽光與海灘，仲有唔少度假村添！
14. 薩丁尼亞島（Sardinia, Italy）
位於意大利半島西南方，最著名嘅休閒勝地又點少得翡翠海岸？嗰度全部都係高級休閒場所，吸引唔少歐洲上流社會嘅人去度假架～
13. 開曼群島（Cayman Islands）
講到開曼群島，佢係加勒比海當中著名嘅高級度假勝地，首都 George Town 係遊輪會停泊嘅熱門港口，仲有 Seven Mile Beach，魔鬼魚潛水 Stinggray City，成個島嘅發展其實非常成熟。上面提及過嘅度假勝地，生活水平多數都唔太高，咁點解開曼群島會係例外呢？原來就係因為佢獨特嘅金融體系，好多公司都會喺呢度註冊，佢仲係全世界第 4 大離岸金融中心，自然吸引到好多上流人士啦！
12. 聖巴斯島（St. Barts）
11. 米科諾斯（Mykonos, Greece）
米科諾斯係希臘愛琴海上嘅一個小島，如果唔想一窩蜂去晒聖托里尼，就可以嚟呢個白色世界，加埋石板街，好多人都話呢度仲靚過聖托里尼添呀！
各位係咪已經心動呢，唔駛急喎！
世界咁大，咁靚嘅地方又點止得 10 個，繼續睇落去你哋就發現有啲地方原來真係估唔到咁靚…
呢度仲有頭 10 位呀：【真．世外桃源】20 個民選「避世天堂」，邊個地方你最想去？（下）
即刻Like爆我哋【LOLLY】FACEBOOK FANS PAGE，睇睇吓就會發現更多人生樂趣！
