【白到反光】瑞典鬼罕純白鹿,見到佢象徵住幸運!

1-cover

白雪雪嘅嘢,好自然會覺得神聖啲嘅,就好似甘道夫、白女巫,仲有純白鎮嘅小智。不過今次要講嘅係一隻極度鬼罕嘅純白鹿,佢唔單止畀當地居民視為神聖嘅生物,仲象徵住帶嚟好運。究竟擁有聖潔嘅外貌背後,呢隻鹿仔平時又會遇到啲咩生活上嘅難題呢?等我哋一齊嚟直擊一吓…

5027912-white-reindeer-in-forest

最近瑞典嘅森林入面出現咗一隻純白色嘅鹿,仲畀個女人行行吓見到影低埋添,簡直係行運呀!大家試諗吓畀你哋去去吓旅行見到呢隻鹿出現喺眼前,成件事是咪夠晒夢幻呢?

688078-xxl

呢個咁好運嘅女人叫 Siv Poijo,係一位老師嚟嘅,一場嚟到瑞典嘅馬拉(Mala)度假,本來佢出去遊歷完諗住返屋企,突然間呢隻全身白雪雪白到發晒光嘅鹿就喺個森林走出嚟,仲氣定神閒企咗喺馬路隔離添!Poijo 當然唔執輸啦,一嘢拎起枝長炮對準鹿仔,影低咁珍貴嘅時刻呀!

4-pallas-yllastunturi-nat-park-white-reindeer

呢隻鹿仔靚就係靚喇,而且仲好罕有添,不過其實大多數純白嘅鹿仔係患有白化症,正因為佢哋缺乏體內嘅色素,容易畀太陽曬傷不特止,仲大大增加咗畀其他動物獵食嘅機會,所以其實生存到落嚟都係一種幸運,難怪當地嘅居民話見到佢哋等同帶嚟好運啦!

罕有嘅又點止得純白鹿:【卡哇伊呢】銀河唯一的…熊貓「七仔」?


即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!


Photo:Dailymail

Video:Youtube

LOLLY

發表迴響

你的電子郵件位址並不會被公開。 必要欄位標記為 *