【極度鬼罕】傳說中嘅東南亞神秘貓星人 — 漁貓

【極度鬼罕】傳說中嘅東南亞神秘貓星人 — 漁貓 cover

各位奴才聽住喇,貓星人唔鍾意水你哋知㗎啦,不過世界咁大,總係有啲好神秘嘅貓星人存在,從來都唔需要靠奴才開罐罐,更加唔駛奴才做剷屎官,佢哋就係喺世界上極度鬼罕嘅漁貓(Prionailurus viverrinus、 fishing cat)!呢類貓星人主要喺東南亞地區出沒,簡單啲講即係爪哇、印度等等。佢哋好特別㗎!手指腳指之間有蹼不特止,仲可以喺水入面一手叉落啲魚仔度,仲駛乜靠奴才開罐罐喎,佢哋心諗自己嚟日日有魚食添呀!

1280px-Fishing_Cat_(Prionailurus_viverrinus)_3

話時話,平時其他貓星人沖個涼就扯火,漁貓就話佢哋與別不同喇,連潛水都識呀,唔識仲點樣捉魚喎,咁犀利搞到我都想見吓佢哋真身添!不過咁,呢種貓星人已經越嚟越稀有喇,佢哋神秘到對上一次有證據證明佢哋確實存在,講緊已經係 1990 年嘅事,嘩!數數手指都成 27 年囉…

1989662

對於生活喺熱帶地方嘅漁貓星人嚟講,越嚟越鬼罕嘅主因梗係因為棲息地減少啦,都係嗰句:「人類霸著地球太自大,每日盡情破壞…」,令到漁貓星人魚又捉唔到,又冇辦法避開佢哋嘅敵人,真係好希望漁貓星人依然繼續喺呢個地球上嘅某一個角落生存緊,我已經唔奢望見到佢哋㗎喇嗚呀!

【極度鬼罕】傳說中嘅東南亞神秘貓星人 — 漁貓

【 Click 入去仲有好多動物仔等緊你㗎!】

【東京鎮館之寶】陽光底下瞓到唔願醒嘅日本小水瀨,係全世界最細粒嘅水瀨仔!

【心都融晒】曾經差啲命都冇嘅海獺 BB 終於完全康復,實在可愛到不得了!

【肯開飯未】摺耳貓星人 Bitchy Face 企定定望住奴才等開飯!


Photo:Mother nature network

Video:Youtube

分享此文:
LOLLY

發表迴響

你的電子郵件位址並不會被公開。 必要欄位標記為 *