【披著狗皮的狼】愛心學生領養狗仔,養大咗先知係狼嚟喎。

1-cover

披住羊皮嘅狼,大家喺電視見得多。不過,跟住落嚟竟然係一隻披住狗皮嘅狼,老老實實啦,唔 Check 真係唔知㗎,呢獲真係同香港一樣「引狼入室」喇…

980x

話說有位美國學生哥,前兩年左右喺街度見到有免費狗仔領養,於是就揀咗佢(即係 Neo )返屋企。Neo 細細個真係好得意㗎,眼仔碌碌,正常人又點會發覺佢竟然係一隻披住狗皮嘅狼呀。不過你哋知啦,如果想做傑青好鬼忙架嘛,咁呢個美國學生哥就冇咁多時間陪 Neo 喇。點知 Neo 成日跑去隔離屋同其他狗仔玩啵,主人起初都覺得冇乜嘢嘅,但慢慢就發現唔多對路啵,有乜唔對路呀咁?

1

3

呢個學生哥費事 Neo 成日騷擾到隔離屋,咪將啲圍欄起高啲囉,點知 Neo 心諗「其實唔難」,一吓就跳過咗。主人仲話 Neo 越大啲行為就越奇L怪,唔鍾意食狗糧都算,但竟然會唔想見到人啵,比著我真係以為 Neo 抑鬱㗎。

2

見到 Neo 啲行為咁奇怪,主人擔心佢有事就梗係狗衝去帶佢畀人 Check 吓啦~幾翻波折,主人帶咗 Neo 嚟南亞利桑那州人道協會,Check 完一輪發現原來 Neo 唔係狗仔,而係一隻狼。去到最後,因為一連串法律上嘅問題,呢個學生哥都係選擇放棄 Neo,結束呢段人狼感情。

8

4

7

講到尾,至少呢隻狼都冇攻擊到人嘛,又點似我哋香港嗰隻啵,唔知幾時有人可以收返佢呢可?仲有呀,其實領養寵物始終都係比買返嚟嘅好。動物都有靈性,記得立定決心先好領養。

千祈唔好做衰主人呀【總需要勇敢生存】失去雙肢嘅狗狗兩度畀人棄養


即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!


Photo:Dailymail

分享此文:
LOLLY

發表迴響

你的電子郵件位址並不會被公開。 必要欄位標記為 *