【心都痛埋】日本海豚媽媽狠心殺死親生BB,就係為咗向人類抗議!

1-cover

海豚,可以話係高智慧嘅海洋生物。大家有眼睇啦,去親海洋公園睇表演,都見佢哋可以跟足訓練員嘅指示,高難度動作乜都曉咁濟,好好睇呢?但我可以話俾大家聽,背後佢哋其實好辛苦,日本名古屋水族館就有隻海豚媽媽Lulu前排生咗個B,一心諗住可喜可賀,官方網都登晒報導架,點知過咗四日發現個B突然離世,仲成身傷咁呀!究竟點解呢吓?


 

水族館官方就話係海豚媽媽壓力過大,未有心理準備做媽咪先會攻擊自己個B,但有國際海洋哺乳動物項目嘅研究人員就指出,發生呢啲行為多數分為兩種,第一種就係被迫同屋企人或者同生長環境分開先會咁樣做。咁第二種呢,大家又估唔估到?

669589-xxl

 

第二種就係認為呢隻海豚媽媽為咗唔想個B將來好似自己咁成世都喺水族館生存,先狠下心腸殺死佢,可以講係用另類方法去保護自己嘅仔女。其實就好似人類咁咋嘛,父母同樣會盡全力去保護自己嘅仔女,只不過係在於用乜嘢方式咁解,有時佢哋鬧你打你係因為佢哋經歷過,先唔想仔女步佢哋後塵。

669590-xxl

 

海豚媽媽用咗個咁特別嘅方式去為佢個B帶嚟永遠嘅自由,唔想俾個B行自己舊路,咁樣做相信佢都會超級傷心。其實睇完我真係會唔開心架,希望全世界可以廢取呢類型嘅表演節目,大家又覺得好唔好?

即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!

 

 

 

Source

LOLLY

發表迴響

你的電子郵件位址並不會被公開。 必要欄位標記為 *