【呢啲咪一見鍾情】流浪 Pitbull 自從遇上女主人即刻變到超級溫馴嬌嗲,成塊貼身膏藥咁呀!

【呢啲咪一見鍾情】流浪 Pitbull 自從遇上女主人即刻變到超級溫馴嬌嗲,成塊貼身膏藥咁呀! cover

成日聽人講 Pitbull 惡到死,網上面又有好多佢哋咬傷人嘅新聞,都冇辦法嘅,話晒佢哋最初都係畀人培育出嚟做鬥犬,不過大家又有冇諗過 Pitbull 同時間係好忠心又好聰明嘅狗仔呢?以下就有一隻 Pitbull,佢叫阿 Russ,曾經畀人虐打同遺棄,直到佢好幸運咁遇上女主人 Kayla Filoon,佢嘅一生就從此改變…

d2326370

女主人 Kayla Filoon 住喺美國,亦都係一間動物收容中心嘅義工,佢仲話第一次見到 Russ 嗰陣成身畀人虐打嘅傷痕,除咗耳仔同條尾甩毛之外,仲患有皮膚病。當時嘅 Russ 已經冇晒平時嘅霸氣,只係靜靜哋坐埋一邊望住 Kayla,嗰一刻 Kayla 就知道,佢一定要帶阿 Russ 返屋企!

hugging-adopted-pitbull-russ-9

hugging-adopted-pitbull-russ-17

可能好多人心諗,嘩!Pitbull 個性咁兇殘,點解要揀佢呀?不過阿 Russ 就選擇用行動話畀世人聽,佢對女主人 Kayla 係幾咁忠心,仲好鬼嗲添!就算平日 Kayla 用電腦做功課,阿 Russ 都會伸出對手攬住佢,有養狗狗嘅朋友,你哋屋企嘅狗仔有冇咁痴人先!

hugging-adopted-pitbull-russ-10

hugging-adopted-pitbull-russ-16

hugging-adopted-pitbull-russ-11

雖然 Pitbull 性格可能就比較惡,不過我始終相信,只要各位主人肯用心去教導佢哋、愛護佢哋,佢哋一樣感受到嘅!同時間,希望大家支持領養,世界上仲有好多被遺棄嘅小動物,想養寵物嘅朋友要諗清楚呀!

 

【 Click 入去仲有好多動物仔等緊你㗎!】

【日本東京原宿】養咗 9 隻兔兔嘅一家人!— 一同走入 Ra.a.g.f Rabbit Café

【韓國首爾弘大】活潑浣熊仔陪大家歎咖啡 — 맹쿤 Raccoon Cafe

【日本愛媛縣青島】愛貓者天堂!日本海上一個名副其實嘅「貓島」

【日本東京六本木】世界上第一間可愛刺蝟咖啡店 — HARRY Cafe

【日本宮城縣白石市】過百隻唔怕人嘅可愛狐狸仔聚居 — 藏王狐狸村!


Photo:Pinterest、Boredpanda

LOLLY

發表迴響

你的電子郵件位址並不會被公開。 必要欄位標記為 *