【動物都有靈性】沙袋鼠被放生之後,隔一排仲帶埋個仔返嚟見恩人。

1-cover

最近外國有位網友喺網上講吓自己過去 7 年嘅經歷,呢 7 年嚟佢一直都喺澳洲做義工,拯救一啲受咗傷嘅小動物,而佢救得最多嘅就係出世冇幾耐嘅沙袋鼠,仲要大部份都係孤兒嚟添。正因為咁,要湊大佢哋再放返去大自然就係呢位網友嘅首要工作。但誓估唔到,沙袋鼠一直都冇忘記呢位網友曾經救過佢哋,仲非常感激佢,所以我幾時都話動物的確係好有靈性,大家話係咪喇。

980x1

980x

正當呢班沙袋鼠仔終於長大成人可以放生出去嘅時候,就睇得出佢哋同一班義工嘅感情一早就根深蒂固。其中有啲沙袋鼠間唔中仲會返返嚟,好似話畀各位義工聽佢哋家陣過得好好,更加驚喜嘅係會帶埋佢哋嘅小朋友過嚟探班義工。呢位網友就話喇,最近先有一隻沙袋鼠叫做 Jill,帶咗佢個袋鼠仔 Jockey 嚟見吓佢添呀。

980x2

980x3

980x4

其實呢班沙袋鼠之所以會返嚟,呢位網友話可能呢度畀到佢哋安全感,而且有一種家嘅感覺,啲義工見到佢哋返嚟,仲會為佢哋準備食物添。其實呢類咁有意義嘅工作,你同我都絕對要搵個機會嘗試吓,可能你哋會話冇時間,但正所謂長有長做,短有短做呀嘛,你哋話係咪?


即刻Like爆我哋【LOLLY】FACEBOOK FANS PAGE,睇睇吓就會發現更多人生樂趣!


Photo:The Dodo

LOLLY

發表迴響

你的電子郵件位址並不會被公開。 必要欄位標記為 *